ચિંતાજનક / આ રાજ્યમાં કોરોનાએ તમામ રેકોર્ડ તોડ્યા, 24 કલાકમાં 8593 નવા કેસ, 85 લોકોના મોત

Dharmishtha

Last Updated: 08:50 AM, 12 November 2020

FOLLOW ON

શેર કરો

દિલ્હીમાં કોરોના વાયરસ બિહામણું રુપ લઈ રહ્યો છે. નવેમ્બરમાં કોરોનાના કેસ સતત વધી રહ્યા છે. ગત 24 કલાકમાં કોરોનાના 8593 નવા કેસ દાખલ થયા છે. જે એક દિવસમાં નોંધાતા કેસમાં અત્યાર સુધીના સૌથી વધારે છે. આ મહામારીથી એક દિવસમાં 85 લોકોના મોત થયા છે. જ્યારે 7264 દર્દીઓ સાજા થયા છે. આ પહેલા સોમવારે 7830 કેસ સામે આવ્યા હતા.

દિલ્હી હાલમાં પ્રદૂષણ અને કોરોના એમ બે સંકટ સામે લડી રહ્યું છે
હવા ઝેરી હોવાની સાથે કોરોનાના મામલાઓએ પણ રેકોર્ડ તુટી રહ્યા
દિલ્હીમાં કોરોના સંક્રમણની સંખ્યા સાડા ચાર લાખની પાર છે.

દિલ્હી હાલમાં પ્રદૂષણ અને કોરોના એમ બે સંકટ સામે લડી રહ્યું છે. દિલ્હીમાં હવા ઝેરી હોવાની સાથે કોરોનાના મામલાઓએ પણ રેકોર્ડ તુટી રહ્યા છે. રોજના દાખલ થતા કોરોનાના કેસની સાથે સાથે મોતની સંખ્યા પણ વધી રહી છે. જેણે ચિંતામાં વધારો કર્યો છે. દિલ્હીમાં કોરોના સંક્રમણની સંખ્યા સાડા ચાર લાખની પાર છે. જ્યારે 7228 લોકોના મોત નિપજ્યા છે.

ઓક્ટોબરમાં 1124 લોકોના મોત થયા

ઉલ્લેનીય છે કે દિલ્હીમાં 1 નવેમ્બરથી 9 નવેમ્બર સુધી 581 લોકોના કોરોનાથી મોત થઈ ચૂક્યા છે. જ્યારે 1 ઓક્ટોબરથી 31 ઓક્ટોબર સુધી દિલ્હીમાં કોરોનાના કારણે જીવ ગુમાવનારાના આંકડા 1124 હતા. સપ્ટેમ્બર મહિનામાં ઓક્ટોબરની સરખામણીએ કેટલીક ઓછી મોત હતી. 1 સપ્ટેમ્બરથી 30 સપ્ટેમ્બર સુધી દિલ્હીમાં 917 લોકોના કોરોનાને લીધે જીવ ગયા છે. સપ્ટેમ્બરની સરખામણીએ ઓગસ્ટમાં કોરોનાથી થનારા મોતના આંકડા પણ ઓછા હતા. દિલ્હીમાં 1 ઓગસ્ટથી 31 ઓગસ્ટ સુધી કોરોનાથી 458 લોકોના મોત થયા છે.

દિલ્હીમાં શું છે સ્થિતિ

સંક્રમણનો દર -13.4 ટકા
રિકવરી રેટ -89.16 ટકા
સક્રિય દર્દીઓનો દર 9-26 ટકા
કોરોના ડેથ રેટ 1.57 ટકા
હોમ આઈસોલેશન 24,435
અત્યાર સુધીના કુલ ટેસ્ટ - 52,62,045

સંકળાયેલા મુદ્દાઓ

Coronavirus covid 19 delhi કોરોના વાયરસ દિલ્હી coronavirus