ના હોય / જીવતા માણસને ફોન કરીને કહ્યું, તમારું કોરોનાથી મોત થઈ ગયું છે, કિસ્સો જાણીને માથું પકડી લેશો

• કોરોના દર્દી સાથે જોડાયેલો એક અજીબો ગરીબ મામલો સામે આવ્યો
• નગર નિગમની મહિલાએ એક જીવીત વ્યક્તિને ફોન કરીને કહ્યું કે તેમનું મોત થઈ ગયું
• કોરોનાથી મોતનું ડેથ સર્ટિફિકેટ પણ બની ગયું 

મહારાષ્ટ્ર સ્થિત ઠાણેમાં કોરોના દર્દી સાથે જોડાયેલો એક અજીબો ગરીબ મામલો સામે આવ્યો છે. અહીં ઠાણે નગર નિગમની મહિલાએ એક જીવીત વ્યક્તિને ફોન કરીને કહ્યું કે તેમનું મોત થઈ ગયું છે. આટલું જ નહીં જીવીત વ્યક્તિને જ નિગમકર્મીએ કહ્યું કે તેમનું ડેથ સર્ટિફિકેટ બની ગયું છે. આ સાંભળીને વ્યક્તિના પગ તળેની જમીન ખસી ગઈ. જીવીત વ્યક્તિએ નિગમની મહિલાને જણાવ્યું કે તે જીવીત છે. ત્યાર બાદ ઠાણે નગર નિગમે તપાસના આદેશ આપ્યા છે. 

પણ હું તો જીવીત છું
મામલો 55 વર્ષીય ચંદ્રશેખર દેસાઈ સાથે જોડાયેલો છે. તેમણે જણાવ્યું, મને ટીએમસીમાંથી કોઈ મહિલાનો ફોન આવ્યો હતો. તેણે જાણકારી આપી કે મારુ મૃત્યુ થઈ ચુક્યું છે. ડેથ સર્ટિફિકેટ ઈશુ થઈ ગયુ છે. મેં કહ્યું કે હું ચંદ્રશેખર દેસાઈ છું અને હું જીવીત છું. મને કોરોના થયો હતો પરંતુ હું હવે ઠીક છું. 

શિક્ષક દેસાઈએ કહ્યું, મને ગયા વર્ષે ઓગસ્ટમાં કોરોના થયો હતો પરંતુ ગુરૂવારે ફોન આવ્યો અને કહ્યું કે મારી મોત થઈ ચુકી છે. પરંતુ મેં તેમને જણાવ્યું કે હું જ ચંદ્રશેખર દેસાઈ છું. આ તો સારૂ થયું કે ફોન મારી પાસે હતો. જો આ ફોન મારી પત્નીની પાસે ગયો હોત તો અનર્થ થઈ ગયો હોત. 

ટેક્નિકલ ભૂલના કારણે થયું આવું 
ત્યાં જ આ મામલા પર નગર નિગમના એડિશનલ કમિશ્નર સંદીપ માલવીએ કહ્યું કે આવો મામલો સામે આવ્યો છે પરંતુ ટીએમસી આ ડેટા નથી બનાવતી. આ ડેટા પુણેમાંથી બનીને આવે છે. આ લિસ્ટ અમે નથી બનાવ્યો ભૂલ થઈ ગઈ. આગળથી આવુ નહીં થાય. તેમણે કહ્યું કે અમારી પાસે હવે જે પમ લિસ્ટ બનીને આવશે આગળથી અમે તેનું વેરિફિકેશન કરીશું. ત્યાર બાદ જ લોકોને ફોન કરવામાં આવશે. કમિશ્નરે કહ્યું કે ટેક્નિકલ ખામીના કારણે આ ભૂલ થઈ છે. આગળથી સુનિશ્ચિત કરવામાં આવશે કે આવી ભુલ ન થાય.