ક્રિકેટ જગત / VIDEO: 6,6,6,1,6,N1,6.... રનોનો 'વરસાદ', 33 રન ફટકારી આ બેટ્સમેનોએ TNPLમાં કર્યું અદભુત કારનામું

• નેલ્લાઇ રોયલ કિંગ્સે આ મેચ 7 વિકેટે જીતી મેળવી
• 3 બોલ પર રિતિકે સતત છગ્ગા મારતા મેદાનમાં હાજર દર્શકોમાં રોમાંચ ભરી દીધો
• રિતિક ઇશ્વરને છેલ્લા બોલ પર સિક્સર ફટકારીને ટીમને જીત અપાવી

Tamil Nadu Premier League: તમિલનાડુ પ્રીમિયર લીગમાં ક્રિકેટ પ્રેમીઓને રોમાંચક ક્રિકેટની મિજબાની મળી રહી છે. સોમવારે, નેલ્લાઇ રોયલ કિંગ્સ અને ડિંડીગુલ ડ્રેગન વચ્ચેના મુકાબલાના રોમાંચની તમામ હદો પાર થઇ હતી. નેલ્લાઇ રોયલ કિંગ્સે આ મેચ 7 વિકેટે જીતી મેળવી હતી. જીતના માર્જિનને કારણે નેલ્લાઇની જીત સરળ લાગી શકે છે, પરંતુ વાસ્તવમાં એવું નહોતું. ઈનિંગની 19મી ઓવર ટીમની જીતમાં ટર્નિંગ પોઈન્ટ સાબિત થઈ, જેમાં રિતિક ઈશ્વરન અને અજિતેશ ગુરુસ્વામી (G Ajitesh)ની જોડીએ 33 રન ફટકારીને સિક્સરનો વરસાદ કર્યો અને મેચને પલટાવી દીધી.

મેચમાં પ્રથમ બેટિંગ કરતા ડિંડીગુલ ડ્રેગન્સની ટીમે નિર્ધારિત 20 ઓવરમાં પાંચ વિકેટ ગુમાવીને 185 રન બનાવ્યા હતા. શિવમ સિંહે સૌથી વધુ 76 રનનું યોગદાન આપ્યું હતું. જવાબમાં નેલ્લાઇ રોયલ કિંગ્સનો સ્કોર 18 ઓવર પછી 3 વિકેટે 149 રન હતો અને ટીમને બાકીની 2 ઓવરમાં 37 રનની જરૂર હતી. જોવામાં જીત મુશ્કેલ લાગી રહી હતી. તેવામાં વિકેટ પર હાજર રિતિક ઇશ્વરન અને અજિતેશ ગુરુસ્વામીની જોડીએ જબરદસ્ત બ્લાસ્ટ કર્યો અને જી કિશોરની તરફથી ફેંકેલી ઇનિંગ્સના 19માં ઓવરમાં 33 રન મેળવ્યા. ઇનિંગ્સની પહેલા 3 બોલ પર રિતિકે સતત છગ્ગા મારતા મેદાનમાં હાજર દર્શકોમાં રોમાંચ ભરી દીધો. 

33-RUN OVER WITH 5 SIXES! 🤯

Insane hitting by Easwaran 🔥 and Ajitesh 💥#TNPLonFanCode pic.twitter.com/GSc41DpGk7

— FanCode (@FanCode) July 10, 2023

ચોથા બોલ પર તેણે સિંગલ લીધો અને અજિતેશને સ્ટ્રાઇક આપી. અજિતેશે ઓવરના 5માં બોલ પર સિક્સર ફટકારી હતી. છેલ્લો બોલ જી કિશોરે ફેંક્યો હતો, જેના પર અજિતેશના સિંગલ સહિત 2 રન બનાવ્યા હતા, જ્યારે પછીના બોલ, જે ફ્રી હિટ તરીકે આપવામાં આવ્યા હતા, રિતિકે બાઉન્ડ્રી પર સિક્સર ફટકારી હતી. ઓવરમાં 33 રન થયા હતા અને હવે છેલ્લી ઓવરમાં નેલ્લાઇ કિંગ્સની જીતમાં માત્ર ઔપચારિકતા જ બાકી હતી.

આમ તો સુબોધ ભાટીએ ઇનિંગ્સનો અંતિમ બોલ ફેંક્યો, જેના પ્રથમ 5 બોલમાં માત્ર ત્રણ રન જ બન્યા હતા. રિતિક ઇશ્વરને છેલ્લા બોલ પર સિક્સર ફટકારીને ટીમને જીત અપાવી હતી. નેલ્લાઇ રોયલ કિંગ્સે માત્ર ત્રણ વિકેટ ગુમાવીને લક્ષ્યાંક હાંસલ કરી લીધો હતો. અજીતેશે 44 બોલમાં 5 ચોગ્ગા અને છ છગ્ગાની મદદથી અણનમ 73 રન અને ઈશ્વરને 11 બોલમાં 6 છગ્ગાની મદદથી અણનમ 39 રન બનાવ્યા હતા.