વિવાદ / વડોદરા : શ્રમિકો પાસેથી ભાડુ વસુલવા મુદ્દે ખુદ અધિકારીઓનો અસ્પષ્ટ જવાબ

• વડોદરા કલેક્ટર શાલિની અગ્રવાલની VTV સાથે ખાસ વાત 
• ટ્રેનમાં જનાર લોકો પાસેથી ભાડુ લેવામાં આવે છેઃ કલેક્ટર
• સરકારના ધારા ધોરણ મુજબ ભાડુ વસૂલાય છેઃ કલેક્ટર

ગુજરાત સરકાર શ્રમિકો પાસેથી ભાડુ વસૂલી રહી છે. આ એવા લોકો છે જેમની પાસે છેલ્લા દોઢ મહિનાથી કોઈ જ કામ નથી. મોટાભાગના લોકો રોજ ઉપર કામ કરનારા શ્રમિકો છે. અચાનક લોકડાઉન જાહેર થવાને પગલે દોઢ મહિનાથી ફસાયેલા પરપ્રાંતિયોને કેન્દ્ર સરકારે જ્યારે પોત પોતાના વતન વાપસી માટેની હામી ભણી ત્યારે કેન્ટ્રને પણ ખ્યાન નહીં હોય કે પીવા પાણી અને ખાવા અનાજ ખુટી પડેલ આ લોકો પાસે ટિકિટ ભાડાના પૈસા ક્યાંથી હશે?

તમામ બિન ગુજરાતીઓને ટ્રેન અને બસ મારફત વતન મોકલાયા

વડોદરાના કલેક્ટર શાલિની અગ્રવાલે VTV સાથેની વાતચીતમાં કબૂલ્યું છે કે, સરકારી ગાઈડલાઈન મુજબ શ્રમિકો પાસેથી ટિકિટ વસૂલવામાં આવે છે. રાજ્ય સરકારે બિન ગુજરાતીઓને વતન પરત જવા માટે વ્યવસ્થા કરી છે. ત્યારે વડોદરામાંથી પણ બિન ગુજરાતીઓને વતન પરત મોકલવાની વ્યવસ્થા કરાઈ છે. આ સમગ્ર મામલે વડોદરાના કલેક્ટર શાલિની અગ્રવાલે VTV સાથે વાત કરી હતી અને વડોદરામાં ફસાયેલા બિન ગુજરાતીઓને વતન પરત મોકલવા મામલે નિવેદન આપ્યું હતું. શાલિની અગ્રવાલે કહ્યું કે,વડોદરામાંથી અત્યાર સુધી 10,887 લોકોને વતન મોકલવામાં આવ્યા છે . તમામ બિન ગુજરાતીઓને ટ્રેન અને બસ મારફત વતન મોકલાયા છે. 

શ્રમિક સ્પે. ટ્રેન દ્વારા યુપી મોકલાયા

મામલતદાર લોકોને જવાબદાર આપવામાં આવી છે. જેમની યાદી અને ફોર્મ ભરવામાં આવી રહ્યા છે. ડેપ્યુટી કલેક્ટ આ માહિતી નોડેલ અધિકારીને મોકલે છે જે ગુજરાત સરકાર યુપી સરકાર કે અન્ય રાજ્ય સરકારને મોકલે છે મંજુરી બાદ તેમને અન્ય રાજ્યમાં મોકલવામાં આવી રહી છે. વડોદરા સિટિ અને જિલ્લામાંથી યુપીના 1120 અને શ્રમિકોને પરમદિવસે શ્રમિક સ્પેશ્યલ ટ્રેન મારફતે મોકલવામાં આવ્યા હતા. 

ઓનલાઈન મંજૂરી મળે તેમ તેમને મોકલવામાં આવે છે. 

રેલવે અને સરકારની ગાઈડલાઈન છે એ મુજબ વ્યવસ્થા કરવામાં આવી છે. બસ, મિનિ બસ, શ્રમિક ટ્રેન અને ખાનગી વાહનોમાં ગયા છે. ઓનલાઈન મંજૂરી મળે અને રોડપરથી મંજૂરી મળે તો તેમને તુરંત મોકલી દેવામાં આવે છે. સરકારી ગાઈડલાઈન મુજબ ટિકિટ ભાડુ વસુલવામાં આવે છે.