મહામારી / રાજ્યમાં સરકારે ટેસ્ટમાં કોઇ ઘટાડો કર્યો નથી, દરરોજ 3 હજાર ટેસ્ટ કરાય છેઃ જંયતિ રવિ

• ગુજરાતમાં કોરોના વાયરસના નવા કેસ વિશે સાંજે 6 વાગે માહિતી અપાશે
• ગુજરાતમાં કોરનાથી સાજા થયેલા લોકોનો ઈલાજમાં ઉપયોગ કરવામાં આવશે
• વડિલો, બાળકો અને ગર્ભવતી મહિલાઓએ ખાસ ચેતવું 

ગાંધીનગર ખાતે આરોગ્યવિભાગની પત્રકાર પરિષદમાં આરોગ્ય સચિવ જંયતિ રવિએ જણાવ્યું હતુ કે, ગુજરાતમાં કોરોના વાયરસના નવા આંકડા આજથી દિવસમાં એક જ વખત સાંજે 6 વાગ્યે આપવામાં આવશે. 

3000 લોકોના કરાયા ટેસ્ટ

કોરોના વાયરસના રોજના 3000 ટેસ્ટ કરીશું. 2500 રેન્ડમ લઈશુ અને 500 ટેસ્ટ જે એડમિટેડ છે તેમને 2 વખત ચેક કરવા પડતા હોય છે એટલે તેમને ટેસ્ટ કરીશું. મૃત્યુ એવા લોકોના જ થાય છે જેમને પહેલેથી કોઈ બિમારી હોય. 

આ લોકોએ બહાર ન નીકળવું

• સગર્ભા મહિલા
• 60થી ઉપરની ઉમંરના વડિલ
• 10 વર્ષથી નીચેની ઉમંરના બાળકો
• સગર્ભા મહિલાઓ
• બીજા કોઈ રોગથી પીડાતા લોકો

પત્રકારોએ ઉઠાવ્યા સવાલ

હવે કેમ માહિતી એક જ વાર આપવાની ? શું સરકાર કંઈ છુપાવી રહી છે?

આરોગ્ય અગ્રસચિવ જંયતિ રવિએ આપ્યો જવાબ

આરોગ્યના અગ્ર સચિવ જયંતિ રવિએ કોરોના મામલે આજે મોટી જાહેરાત કરી છે. આજથી કોરોના પોઝિટિવ કેસ અને મોતના આંકડા સાંજે જ જાહેર કરવામાં આવશે. અત્યાર સુધી સવાર અને સાંજે આંકડા આપવામાં આવતા હતા. આ ઉપરાંત જયંતિ રવિએ કહ્યું કે આંકડા છુપાવવાનો કોઈ પ્રયાસ નથી થઈ રહ્યો. આંકડામાં વિસંગતતા થતી હોવાના કારણે આ નિર્ણય લેવામાં આવ્યો છે. 

મોત વિશે કહ્યુ કે ઘભરાવા જેવું નથી

સાથે જ મોત મામલે જયંતિ રવિએ જણાવ્યું કે અત્યાર સુધી જે પણ મોત થયા છે. તેમાંથી 60 લોકોને ગંભીર બીમારી હતી. જેમાં ડાયાબિટીસ, હાર્ટ પ્રોબ્લેમ કે અન્ય કોઈ ગંભીર બીમારી હોય તેવા દર્દીના મોત ઝડપથી થઈ રહ્યા છે. જયંતિ રવિએ જણાવ્યું કે દરરોજ 3 હજાર ટેસ્ટ થાય છે. અને તેમાં કોઈ જ ઘટાડો કરવામાં આવશે નહીં. જયંતિ રવિએ કહ્યું કે રોગપ્રતિકારક શક્તિ ઓછી હોવાના કારણે રિકવરી ઝડપથી નથી થઈ રહી. વધુમાં કહ્યું કે તમામ પરિવારો પોતાના ઘરમાં રહેતા વૃદ્ધ અને નાના બાળકોને વધુ સાચવે.