કાર્યાવાહી / ભાવનગરમાં 4 વર્ષની બાળકીને કોરોના થવા મામલે માતા-પિતા પર કેસ, તમે આવી ભૂલ ન કરતા

Divyesh

Last Updated: 02:16 PM, 13 April 2020

FOLLOW ON

શેર કરો

ગુજરાતના ભાવનગર જિલ્લામાં કોરોના વાયરસના સંક્રમિત જોવા મળેલ 4 વર્ષની બાળકીના પરિવારજનો વિરુદ્ધ ફરિયાદ દાખલ કરવામાં આવી છે. પોલીસ તરફથી પરિવારજનો વિરુદ્ધ કાર્યવાહી એટલા માટે કરવામાં આવી રહી છે કે બાળકીને લઇને પરિવારજનો લોકડાઉન વચ્ચે તેને લઇને એક સંબંધીના ઘરે ગયા હતા.

લોકડાઉનમાં સંબંધીના ઘરે ગયા હતા પરિવારજનો
પોલીસે માતા-પિતા વિરુદ્ધ કેસ દાખલ કર્યો

ભાવનગર જિલ્લાના ઘોઘા પોલીસ ચોકીમાં પોલીસે માતા-પિતા વિરુદ્ધ કેસ દાખલ કરવામાં આવ્યો છે. પોલીસના જણાવ્યા મુજબ બાળકીનો પિતા જે જમનાકુંડ વિસ્તારમાં કોરોના નિયંત્રણ ક્ષેત્રનું નિવાસી છે, તેને પોતાને એક સરકારી અધિકારી જણાવીને પોલીસને એક ચિઠ્ઠી બતાવી અને બાઇક પર પોતાની પત્ની અને બાળકી સાથે 18 કિલોમીટર દૂર ઘોઘામાં પોતાના સંબંધીના ઘરે ગયો હતો.

જ્યારે 4 વર્ષની બાળકીને જ્યારે શરદી અને તાવની ફરિયાદ થઇ ત્યારે શનિવારે આરોગ્ય વિભાગના અધિકારીઓ તરફથી તપાસ કરતાં બાળકી કોરોના વાયરસની સંક્રમિત જોવા મળી. ત્યારબાદ તેને ભાવનગરની એક હોસ્પિટલમાં સારવાર હેઠળ રખાઇ. તેમણે જણાવ્યું કે બાળીના માતા-પિતા અને અને તેના સંપર્કમાં આવેલા અન્ય 2 લોકોને હાલ તપાસ માટે આઇસોલેશન વોર્ડમાં રાખવામાં આવ્યાં છે.

પોલીસે રવિવારના રોજ બાળકીના માતા-પિતા વિરુદ્ધ આઇપીસી ધારા 170, ધારા 269, ધારા 270 અને ધારા 188 હેઠળ પ્રાથમિક ફરિયાદ દાખલ કરી છે. પોલીસે જણાવ્યું કે તેમના વિરુદ્ધ મહામારી બિમારીના કાયદા હેઠકના પ્રાવધાનોન લઇને પણ કેસ દાખલ કરવામાં આવ્યો.

સંકળાયેલા મુદ્દાઓ

Bhavnagar Coronavirus Positive gujarat કોરોનાવાયરસ પોઝિટિવ પોલીસ ભાવનગર coronavirus