- ITBPના કેમ્પમાં સંદિગ્ધ દર્દીઓને રખાયા
- કોરોનાથી પ્રભાવિત દેશ ચીનથી આવેલા લોકોને અહીં રખાયા
- અહીં દર્દીઓની તમામ સુવિધાઓનું રાખવામાં આવતું ધ્યાન
દર્દીઓ 14 દિવસ સુધી કેદ રહ્યા
છાવલાના ક્વારંટાઈન સેન્ટરમાં 14 દિવસ પસાર કર્યા બાદ ચીનથી આવેલા એક દર્દીએ કહ્યું કે અહીં શરૂઆતના દિવસોમાં અનેક મુશ્કેલીઓ આવી છે. દોસ્ત જ નહીં, નાની બાળકી પણ અહીં ડરી ગઈ હતી. તે રમી પણ રહી ન હતી અને સાથે વારેઘડી રડતી રહેતી. હાલમાં ઈટલીથી પણ એક ગ્રૂપને લાવવામાં આવ્યું હતું. તેમાં કોરોનાના પોઝિટિવ કેસ હતા. અહીં ડરનો માહોલ સર્જાયો હતો. લોકો બારીઓ પણ બંધ કરીને રહેતા. આ ગ્રૂપને હાલમાં શિફ્ટ કરી દેવામાં આવ્યું છે. જેના પછી માહોલ સામાન્ય બની રહ્યું છે.
ઘરમાં જે ખાવાનું હતું તેનાથી જ લોકો કામ ચલાવી રહ્યા હતા
કોરોનાના અન્ય એક દર્દીએ જણાવ્યું કે ચીનમાં સુપર માર્કેટ ખુલ્લા હતા પરંતુ ડર એટલો વધી ગયો હતો કે લોકો ઘરમાં જ કેદ થઈ ગયા હતા. ઘરમાં જે ખાવાનું હતું તેનાથી જ લોકો કામ ચલાવી રહ્યા હતા. ચીનમાં 20 દિવસ ખૂબ જ મુશ્કેલીથી કાઢ્યા. મારી 8 વર્ષની દીકરી તાન્યા રમવા માટે પણ હેરાન થતી, રાતે સ્કૂલ જવા માટે રડતી. આ બાબતો અમારી મુશ્કેલી વધારતી. પણ કેમ્પમાં આવ્યા બાદ પરિસ્થિતિ બદલાઈ હતી.
એમ્બેસી બની ભગવાન, ફરી ફ્લાઈટમાં સતાવી રહ્યો હતો ડર
હૈદરાબાદના એક પરિવારના સભ્યએ જણાવ્યું કે તેઓ માત્ર 6 દિવસ માટે ચીન ગયા હતા. દરમિયાન લોક ડાઉનની સ્થિતિ સર્જાઈ. ખાવા પીવાની અછત થવા લાગી. અમને લાગ્યું કે પરિસ્થિતિમાં સુધારો થશે પરંતુ તે પછી પરિસ્થિતિ વધુ ખરાબ થવા લાગી. અમે પોતાને કોરોના વાયરસથી બચાવવા માગતા હતા. તેથી અમે લોકોનો સંપર્ક કરવાનું બંધ કર્યું. મારી સાથે મારો પાંચ વર્ષનો પુત્ર અને પત્ની પણ હતા. તે દરમિયાન બેઇજિંગના ભારતીય રાજદૂત અને એમ્બેસીની અન્ય એક મહિલાએ અમને ખૂબ મદદ કરી.
જમવામાં પણ પડતી મુશ્કેલી
ડરના માહોલમાં એમ્બેસીએ અમારી હિંમત વધારી અને સાથે એ પણ ખ્યાલ ન હતો કે અમે કેવી રીતે અને ક્યારે ભારત પહોંચીશું. એરપોર્ટ પર ટેસ્ટ નેગેટિવ આવ્યો તો જીવમાં જીવ આવ્યો. મારી દીકરીને રોજ ચાઈનીઝ ખાવાની આદત છે. તેને ઈન્ડિયન ફૂડ ખાવામાં તકલીફ પડી રહી હતી. જે લોકો પરિવારની સાથે હતા તેઓ થોડા વધારે ચિંતામાં રહેતા.
એક મહિનાથી નર્સ ઘરે નથી ગઈ, તે બાળકને આ રીતે સમજાવે છે
છાવલામાં વિદેશથી આવેલા લોકોને 14 દિવસ સુધી રાખવામાં આવ્યા છે. અહીં ડ્યૂટી કરી રહેલી નર્સ છેલ્લા 1 મહિનાથી ઘરે ગઈ નથી. તે સેન્ટરમાં જ રહે છે. તેનો 4 વર્ષનો દીકરો પણ છે. તે ફોન પર તેના દીકરાને બહાના બનાવીને સમજાવે છે ક મમ્મા સ્કૂલ આવી છે અને હોમવર્ક કર્યું નથી તો સજા મળી છે તેથી મમ્મા ઘરે આવી શકે એમ નથી. પરિવારના લોકો હેરાન છે. હવે તેમનો ડર ઓછો થયો છે. નર્સ કહે છે કે અહીં આવેલા લોકોને મુશ્કેલી ન આવે તે માટે તેઓ ખ્યાલ રાખે છે. જો કોઈ અગ્રેસિવ થાય તો 2-3 દિવસમાં મિક્સ થઈ જાય છે.
બાળકો માટે ચીનમાં નથી મળી રહ્યું દૂધ
ચીનથી આવેલા કોરોના દર્દીનું કહેવું છે કે ચીનમાં 1 વર્ષની બાળકીને માટે દૂધ અને ખોરાકની વ્યવસ્થા કરવાનું પણ મુશ્કેલ બન્યું હતું. ઈન્ડિયન એમ્બેસીએ સાથ આપ્યો અને અમે ચીનથી ફ્લાઈટ લઈને અમે પરત આવ્યા. અહીં ખાવાનું અને બેબી ફૂડ પણ સરળતાથી મળી રહ્યું હતું. અહીં આ દિવસો નીકળી જવાનું કારણ સારો સ્ટાફ અને સુવિધાઓ હતી. મેડિકલ ફેસિલિટી પણ દરેક સમયે મળી રહેતી. કેમ્પમાં આવ્યાના 14 દિવસ બાદ ટેસ્ટ પણ નેગેટિવ આવ્યા ત્યારે થયું કે જાણે 14 વર્ષનો વનવાસ પૂરો થયો હોય.
નોંધ - તમામ ફોટો પ્રતિકાત્મક છે.
