કોવિડ 19 / કોરોના સંકટમાં વિશ્વ ભારતની મદદે દોડ્યું, એક બે નહીં પૂરા 40 દેશોએ કરી આ મદદ

• કોરોના સંકટમાં ભારતને મળી સહાયતા 
• વિવિધ 40 જેટલા દેશોએ જાહેર કરી સહાય 
• મેડિકલ સપ્લાય અને ઉપકરણો મોકલીને કરી મદદ

ભારતમાં કોરોના રોગચાળાને પહોંચી વળવા 500 થી વધુ ઓક્સિજન પ્રોડક્શન પ્લાન્ટ, 4000 ઓક્સિજન કોન્સેન્ટરેટર્સ, 10,000 ઓક્સિજન સિલિન્ડર વિશ્વના વિવિધ ભાગોથી આવી રહ્યા છે. અત્યાર સુધીમાં 40 દેશોએ મદદની ઓફર કરી છે. રશિયાથી બે વિમાન આવ્યા છે, જ્યારે ત્રણ વધુ વિમાન અમેરિકાથી આવી રહ્યા છે.

A US Air Force C-5M Super Galaxy and a C-17 Globemaster III are en route to India. They’re carrying oxygen cylinders/regulators, rapid diagnostic kits, N95 masks, and pulse oximeters: US Secretary of Defence pic.twitter.com/owNfhUEjYd

— ANI (@ANI) April 29, 2021

ઈજિપ્તથી આવી શકે છે 4 લાખ જેટલા રેમડેસિવીર

વિદેશ સચિવ હર્ષવર્ધન શૃંગલાએ ગુરુવારે જણાવ્યું હતું કે ભારત ઇજિપ્તમાંથી રેમડેસિવીરની 4,00,000 શીશીઓ ખરીદવાનું કામ કરી રહ્યું છે. રેમડેસિવીરનો સ્ટોક યુએઈ, બાંગ્લાદેશ અને ઉઝબેકિસ્તાનમાં પણ છે અને સરકાર તેમના સંપર્કમાં છે. ગુરુવારે યોજાયેલી વિશેષ પ્રેસ કોન્ફરન્સમાં વિદેશ સચિવે કહ્યું કે કોરોના ચેપને કારણે ઉભી થયેલી અભૂતપૂર્વ પરિસ્થિતિને ધ્યાનમાં રાખીને અમેરિકા, રશિયા, યુરોપ, ઓસ્ટ્રેલિયા, ન્યુઝીલેન્ડ, UAE, ગલ્ફ દેશો સહિત 40 દેશો તરફથી સહકાર આપવામાં આવ્યો છે, જેમાં પડોશી દેશો પણ સામેલ છે.

A special cargo for medical aid of 157 ventilators, 480 BiPAPs and other medical supplies arrived from UAE to India on April 29. IAF C-17 has so far airlifted 18 Cryogenic oxygen containers from Dubai Airport and landed at Panagarh Air Base in three sorties since Apr 26: Sources

— ANI (@ANI) April 29, 2021

વિદેશ સચિવે આપી જાણકારી 

શૃંગલાએ જણાવ્યું હતું કે સરકાર મુખ્યત્વે ઓક્સિજન ઉત્પાદક પ્લાન્ટ, ઘટક ઓક્સિજન સિલિન્ડર, ક્રાયોજેનિક ટેન્કર સહિતના પ્રવાહી ઓક્સિજન મેળવવા પર ધ્યાન કેન્દ્રિત કરી રહી છે. મેડિકલ સપ્લાયની સીધી ખરીદી અને અન્ય માધ્યમથી પણ કરવામાં આવી રહી છે.

શુક્રવારે બે વિમાન અમેરિકાથી પહોંચશે

વિદેશ સચિવે જણાવ્યું હતું કે ત્રણ વિશેષ વિમાનોના માધ્યમથી યુનાઇટેડ સ્ટેટ્સમાંથી મોટી ક્વોન્ટિટીમાં મેડિકલ સહાય સામગ્રી આવી રહી છે, જેમાંથી બે શુક્રવારે પહોંચશે.

રશિયા તરફથી બે વિમાનોની સામગ્રી મોકલાઈ 

રશિયાએ ગુરુવારે ભારતને અંદાજે  20 ટન જેટલી મેડિકલ સામગ્રી પણ મોકલી છે, જેમાં ઓક્સિજન કોન્સેન્ટરેટર્સ, વેન્ટિલેટર અને દવાઓનો સમાવેશ થાય છે. આ ઉપરાંત, વિશ્વના ઘણા દેશોએ રોગચાળાની પરિસ્થિતિનો સામનો કરવા માટે ભારતને સહાય પહોંચાડી છે.