નિર્ણય / કોરોના વાયરસને લઇને બગદાણા મંદિરથી આવ્યાં મોટાં સમાચાર, પ્રથમ વખત બની આ ઘટના

• બગદાણા મંદિરમાં ભોજનશાળા અને ધર્મશાળા બંધ રહશે, દર્શન કરી શકાશે
• કોરાના વાયરસને લઈને લેવાયો આ નિર્ણય
• બગદાણામાં ભોજન શાળા પ્રથમ વાર બંધ રહશે

કોરોના વાયરસને લઇને બગદાણામાં પ્રથમવાર ભોજનશાળા બંધ કરવામાં આવી છે. ભોજપશાળાની સાથે ધર્મશાળા અને ચા વિભાગ પણ બંધ કરી દેવામાં આવ્યો છે. સાવચેતીના ભાગરૂપે આ નિર્ણય લેવામાં આવ્યો છે.

હાલ વિશ્વમાં કોરોના વાયરસના ફેલાવો ઝડપથી થઇ રહ્યો છે જેને લઇને સરકારની જાહેર સુચના અંતર્ગત ગુરૂઆશ્રમ બગદાણા ટ્રસ્ટની ભોજનશાળા, ધર્મશાળા, ચા વિભાગ આ તમામ વિભાગોને તારીખ 18 માર્ચથી લઇને 31 માર્ચ સુધી સદંતર બંધ રહેશે. જેની બજરંગદાસજી સીતારામ સનાતન સંસ્થાન ગુરૂઆશ્રમ બગદાણા દ્વારા જાહેરાત કરવામાં આવી છે. જોકે ધાર્મિક આસ્થાને ધ્યાને રાખી દર્શનાર્થીઓએ દર્શન કરીને નિકળી જવાનું રહેશે.

ગીરના રામપરા ખાતે આયોજિત ભાગવત કથાનું આયોજન મૌકૂફ 

કનકેશ્વરી દેવીની ભાગવત કથાનું આયોજન હાલ મૌકૂફ રખાયું છે. કોરોનાના જોખમ વચ્ચે ભાગવત કથા મૌકૂફ રાખવા નિર્ણય છે. 24 માર્ચથી પહેલી એપ્રીલ સુધી કથાનું આયોજન કરાયુ હતુ. રૂપલ માંના પાટોત્સવ નિમિત્તે કથાનું આયોજન કરાયુ હતું. કનકેશ્વરી દેવી, મુક્તાનંદ બાપુ, દેવી ભાગવત આયોજન સમિતિએ નિર્ણય કર્યો છે. રાજ્ય સરકારની જાહેર કરેલી ગાઈડ લાઈનનો અમલ કરશે. પાટોત્સવ દરમિયાન ડાયરા, સાંસ્કૃતિક કાર્યક્રમો પણ મૌકૂફ રખાયા છે. આગામી દિવસમાં માં રૂપલ ધામ ચેરિટેબલ ટ્રસ્ટ નવી તારીખ કરશે. મહત્વનું છે કે, મોરારી બાપુની રામકથા પણ હાલ પૂરતી બંધ રાખવામાં આવી છે.