અમદાવાદ / અરે આ શું ! ગાંધીજીના ચાર વાનર? ચોથા વાનરના સંદેશને લઈને અસમંજસ, વિવાદે ચડ્યું પેઇન્ટિંગ

• મોબાઈલ ન વાપરવાનો AMCનો સંદેશો વિવાદમાં આવ્યો
• મોબાઈલનો ઉપયોગ ન કરવા AMCએ મકરબા અંડરપાસ પર બનાવ્યું 4 કપિરાજનું પેઈન્ટિંગ
• ગાંધીજીના 3 કપિરાજને બદલે પેન્ટિંગમાં 4 કપિરાજ દર્શાવાયા

ગાંધીજી કરોડો ભારતીયોના આદર્શ અને પૂજનીય છે. સત્યનો સંદેશો પ્રસરાવતા જેના ત્રણ વાનરોથી પણ તમામ લોકો જાણકાર હશે ત્યારે તાજેતરમાં અમદાવાદમા ત્રણ નહિ પરંતુ ચોથા વાંદરાનો ઉમેરો કરતાં વિવાદનો મધપૂડો છંછેડાયો છે. જાેકે સાંકેતિક રીતે આંખ કાન અને મોં બંધ રાખતા વાનર બાદ ચોથો વાનર મોબાઈલા હોવાનો ચિત્ર ઊભું કરાતા વિવાદ જાગ્યો છે. અમદાવાદ શહેરમાં AMC દ્રારા અન્ડરપાસમાં એક પેઇન્ટિંગ કરવામાં આવી છે. મકરબા અંડરપાસમાં સ્વચ્છતા સર્વેક્ષણ અતર્ગત પેઇન્ટિંગમાં ચોથો વાંદરાએ ભારે વિવાદ જાગાવ્યો છે.

 પેઈન્ટિંગમાં ચોથા કપિરાજ મોબાઈલ લઈને બેઠેલા જોવા મળ્યા

અત્યાર સુધી ગાંધીજીના 3 વાનર વિષે આપણે સાંભળ્યુ છે. પરંતુ અમદાવાદના એક પેઈન્ટિંગમાં ગાંધીજીના 3 વાનરની જગ્યાએ એક વધુ વાનરનો ઉમેરો કરી દેવામાં આવ્યો છે. ગાંધીજીના ત્રણ વાનરો ખરાબ જોવું નહીં, ખરાબ સાંભળવું નહી અને ખરાબ બોલવું નહીનો સંદેશો આપતા હતા, પરંતુ હવે મોબાઈલનો વધુ પડતો ઉપયોગ વધતા ચોથા વાનરને હાથમાં મોબાઈલ લઈને દર્શાવાયો છે. આ પેઈન્ટિંગ અમદાવાદ મહાનગરપાલિકા દ્વારા મકરબા અંડર પાસની દિવાર પર બનાવાયું છે. જોકે આ પેઈન્ટિંગને લઈને લોકોના અલગ-અલગ મત પણ જોવા મળ્યા હતા.

પેઈન્ટિંગને જોઈ મોબાઈલ વાપરવો કે નહીં તે અંગે ચર્ચા

જોકે આ પેઈન્ટિંગમાં ચોથો વાનર શું કહેવા માગે છે તે સમજવું ખુબ મુશ્કેલ છે. કારણ કે, તેના હાથમાં મોબાઈલ તો પકડાવી દીધો છે. પરંતુ તેના વધુ પડતા ઉપયોગને અટકાવવા માટે શું કરવું તેવો કોઈ સંદેશ નથી. જેને લઈને પણ હાલ આ ચાર વાનરનું પેઈન્ટિંગ ચર્ચામાં છે.ચોથા વાનરના સંદેશને લઈને અસમંજસ છે.મોબાઇલ લેવો જોઇએ કે ન લેવો જોઇએ ? તે મામલો સ્પષ્ટ ન કરાતા AMC મોબાઈલ વાપરવાને પ્રોત્સાહન આપે છે?કપિરાજ સાથે મોબાઈલ હોવાથી AMCએ મોબાઈલ વાપરવા પ્રોત્સાહન આપતું હોય તેવી ચર્ચા અને તેવા ભાવ સાથે વિરોધ ઉઠી રહ્યો છે.