પ્રતિક્રિયા / પૂર્વ CM વિજય રૂપાણીના ચૂંટણી લડવા અંગેના નિવેદન પર કોંગ્રેસની પ્રતિક્રિયા, જાણો શું કહ્યું કોંગ્રેસ પ્રવક્તાએ

• પૂર્વ CM વિજય રૂપાણીના ચૂંટણી લડવા અંગેના નિવેદન પર કોંગ્રેસની પ્રતિક્રિયા 
• કોંગ્રેસ પ્રવક્તા ડૉ.મનીષ દોશીના ભાજપ પર પ્રહાર
• માલ ખતમ મોહબ્બત ખતમ જેવી નીતિ છે ભાજપની : દોશી

ગુજરાતના પૂર્વ સીએમ વિજય રૂપાણીએ આજે અંબાજી ખાતે સપરિવાર સાથે મા અંબાના દર્શન કર્યા હતા. ત્યારબાદ તેઓને આગામી ચૂંટણી લડવા પર સવાલ કરતા વિજય રૂપાણીએ જણાવ્યુ હતું તે જો પાર્ટી ચૂંટણી લડાવશે તો લડીશું. તેવું નિવેદન આપ્યું હતુ. તેમના આ નિવેદનને લઇને ગુજરાત કોંગ્રેસના મુખ્ય પ્રવકતા ડો. મનીષ દોશીએ પ્રતિક્રિયા આપી હતી.

ભાજપની અંદર ચાલતી આંતરિક ખેંચતાણ દર્શાવે છે: દોશી

પૂર્વ મુખ્યમંત્રી વિજય રૂપાણીના ચૂંટણી લડવા અંગેના નિવેદનને લઇને કોંગ્રેસની પ્રતિક્રિયા સામે  આવી છે. ગુજરાત કોંગ્રેસના મુખ્ય પ્રવકતા ડો. મનીષ દોશીએ જણાવ્યું હતું કે, વિજય રૂપાણીનું આ નિવેદન ઘણું સૂચવે છે. ભાજપની નીતી માલ ખતમ મોહબ્બત ખતમ જેવી હોવાનું પણ ડો. મનીષ દોશીએ જણાવ્યું હતું. વધુમાં ભાજપમાં ડર અને ભયનો માહોલ હોય તેમ વિજય રૂપાણીના ઉદ્દગાર નેતાઓના ભાજપમાં થતાં અપમાન દર્શાવી રહ્યા હોવાનું અને ભાજપની અંદર ચાલતી આંતરિક ટાંટિયાખેંચ દર્શાવતા હોવાનું અંતમાં ડો. મનીષ દોશીએ ઉમેર્યું હતું.

 શું કહ્યું હતું પૂર્વ CM વિજય રૂપાણીએ ? 

નોંધનીય છે કે ગુજરાત વિધાનસભાની ચૂંટણીમાં આપના આગમનને લઇને રસાકસી ભર્યો ત્રિપાખીયો જંગ ખેલોશે. એક તરફ ભાજપ અત્યારથી માઈક્રો પ્લાનિંગ કરી લોકો સુધી પહોંચવાની રણનીતિ બનાવી રહ્યું છે. તો બીજી તરફ  ગુજરાત AAP પાર્ટીએ રાજ્યમાં ચૂંટણી જાહેર થાય તે પહેલા ઉમેદવારો જાહેર કરી નવો ચીલો ચીતર્યો છે અને જાહેરાતો અને ગેરંટી આપી મતદારોને રિઝવવા પ્રયાસો કરી રહ્યું છે તેવામાં ચૂંટણી લડવા પર વિજય રૂપાણીના નિવેદનએ નિવેદન આપીને જણાવ્યું હતું કે અમારે ત્યાં વ્યક્તિ નિર્ણય નથી કરતો, પાર્ટી નિર્ણય કરે છે. પાર્ટી જે નિર્ણય કરશે તે મુજબ હું કામ કરીશ. હું ભાજપનો કાર્યકર છું પાર્ટીની જીત થાય તે માટે કામ કરીશું. પાર્ટી લડાવશે તો ચૂંટણી લડીશું. નહિ લડાવે તો નહી લડીએ. વિજય રૂપાણીના આ નિવેદનને લઇને રાજકારણમાં નવી ચર્ચા જાગી છે.