ભાવનગર / બહાદૂરીને સલામી: ભગુડા દર્શને આવેલા આર્મી જવાને ધસમસતા પ્રવાહમાં કર્યું દિલધડક રેસ્ક્યૂ, 2 લોકોને બચાવ્યા જુઓ વીડિયો

Dinesh

Last Updated: 08:51 PM, 2 July 2023

FOLLOW ON

શેર કરો

ભાવનગરના મહુવાના મોટી જાગધાર ગામમાં પાણીમાં તણાઈ રહેલા એક મહિલા અને યુવાન સહિત બે લોકોને આર્મી જવાને દિલધડક રેસ્કયૂ કરી બચાવી લીધા છે

મોટી જાગધાર ગામના આર્મી જવાનની સરાહનીય કામગીરી
પાણીમાં તણાઈ રહેલા બે લોકોને બચાવ્યા
એક મહિલા અને યુવકનું કર્યું દિલધડક રેસ્ક્યૂ

રાજ્યના અનેક વિસ્તારોમાં મેઘરાજા મુશળધાર વરસ્યા છે જેને લઈ ઠેર ઠેર પાણી ભરાયા છે તો કેટલીક જગ્યાએથી ખાના ખરાબીના પણ સમાચાર સામે આવ્યા છે. ભારે વરસાદના પગલે અનેક લોકોને મુશ્કલીનો સામનો કરવો પડી રહ્યો છે. ભાવનગરના મહુવાના મોટી જાગધાર ગામના આર્મી જવાને દિલધડક રેસ્ક્યૂ કર્યું છે.

આર્મી જવાને દિલધડક રેસ્કયૂ
ભાવનગરના મહુવાના મોટી જાગધાર ગામમાં પાણીમાં તણાઈ રહેલા એક મહિલા અને યુવાન સહિત બે લોકોને આર્મી જવાને દિલધડક રેસ્કયૂ કરી બચાવી લીધા છે. લોંગડીથી કસાણના માર્ગે નાળામાં કાર તણાઈ ગઈ હતી. કારમાં સવાર લોકો પાણી પ્રવાહમાં ફસાઈ ગયા હતા જેને લઈ ભગુડા દર્શને આવેલા આર્મી જવાને ધસમસતા પ્રવાહમાં રેસ્ક્યૂ કર્યુ હતું. જેમાં એક યુવાન અને મહિલાનો જીવ બચાવી લેવાયો છે.

બે વ્યક્તિઓને બચાવી લેવાયા
આર્મી જવાને કરેલા દિલધડક રેસ્ક્યૂથી પાણીના પ્રવાહમાં ફસાઈ ગયેલા બે વ્યક્તિઓને બચાવી લેવાયા છે. જે રેસ્કયૂ ઓપરેશનને લઈ આર્મી જવાનને સૌ કોઈ સલામ કરી રહ્યાં છે તેમજ મહિલાએ કહ્યું કે, આ ભાઈ જાણી આમારા માટે દેવદૂત બનીને આવ્યા હોય તેમ અમારૂ જીવ બચાવી લીધો છે. આર્મી જવાનની સરાહનીય કામગીરીને અમે બિરદાવીએ છીએ.

સંકળાયેલા મુદ્દાઓ

Army jawan bhavnagar news આર્મી જવનનો દિલધડક રેસ્ક્યૂ દિલધડક રેસ્ક્યૂ ઓપરેશન બે તણાયા Army jawan reshkyu