હેલ્થ ટિપ્સ / કોલેસ્ટ્રોલથી લઇને હાઇ બ્લડપ્રેશરને કંટ્રોલ કરવામાં નાળિયેર પાણી ગુણકારક

• નાળિયેર પાણી પીઓ અને મસ્ત રહો
• નાળિયેર પાણીનું સેવન આરોગ્ય માટે ખૂબ ફાયદાકારક છે
• કોલેસ્ટ્રોલ કંટ્રોલ-ડાયાબિટીસમાં ફાયદો

 નાળિયેર પાણી તરસ છીપાવવાની સાથે-સાથે શરીરને ઠંડક પણ આપે છે. નાળિયેર પાણીનું સેવન આરોગ્ય માટે ખૂબ ફાયદાકારક છે. નાળિયેર પાણીનું સેવન ડિહાઇડ્રેશન, બ્લડ પ્રેશર, ડાયાબિટીસ અને વજન વધવા જેવી સમસ્યાઓને દૂર રાખે છે. એક નાળિયેરના પાણીમાં ૨૮૩ કેલરી અને ૪૧ ટકા ફેટ હોય છે, તે વજન ઘટાડવામાં મદદ કરે છે, સાથે-સાથે તેમાં ૧૬ મિગ્રા સોડિયમ, ૮ ટકા પોટેશિયમ, ૧૦ ટકા આયર્ન, ૨ ટકા વિટામિન-ડી, ૬.૦ ટકા વિટામિન-બી૬ અને ૬ ટકા મેગ્નેશિયમ હોય છે, તેમાં એન્ટઓક્સિડન્ટ, મેંગેનીઝ, એમિનો એસિડ અને સાઇટોકાઇન જેવાં પોષકતત્ત્વો પણ હોય છે. 

કોલેસ્ટ્રોલ કંટ્રોલ-ડાયાબિટીસમાં ફાયદો
નાળિયેરમાં રહેલાં એ‌િન્ટઓક્સિડન્ટ, મેગ્નેશિયમ અને એમિનો એસિડ જેવાં તત્ત્વ અને ફેટ ફ્રી હોવાના કારણે તે કોલેસ્ટ્રોલ લેવલને કંટ્રોલ કરે છે. દિલની બીમારીઓ સાથે હાર્ટએટેક અને સ્ટ્રોકના ખતરાથી પણ બચી શકીએ છીએ. ડાયાબિટીસના દર્દીઓ માટે તે એટલે ફાયદાકારક છે, કેમ કે તેમાં શુગર હોતી નથી. તે શુગર લેવલને કંટ્રોલ કરે છે, તેમાં પ્રોટીન, પ્રાકૃતિક ઉચ્ચ પોટેશિયમ અને પ્રાકૃતિક મીઠાશ હોય છે, જેથી ડાયાબિટીસના દર્દીઓ માટે નાળિયેર પાણી ખૂબ જ ફાયદાકારક છે.

હાઇબ્લડપ્રેશરને કંટ્રોલમાં રાખે
નાળિયેર પાણીના સેવનથી એનર્જી લેવલ વધવાની સાથે શરીર ડિહાઇડ્રેડ પણ થતું નથી. તે બ્લડ સર્ક્યુલેશનને પણ ઠીક રાખે છે. નાળિયેર પાણીમાં વિટામિન-સી, પોટેશિયમ, મેગ્નેશિયમ હોય છે, જે બ્લડ પ્રેશરને કંટ્રોલ કરે છે. જો તમને હાઇબ્લડપ્રેશરની સમસ્યા હોય તો અઠવાડિયામાં કમસે કમ ચાર વાર નાળિયેર પાણીનું સેવન કરો.

વજન ઘટાડવામાં ઉપયોગી
નાળિયેર પાણી પીવાનો સૌથી યોગ્ય સમય સવારનો હોય છે. રોજ ખાલી પેટ નાળિયેર પાણીનું સેવન જરૂર કરવું જોઇએ. આ ઉપરાંત વર્કઆઉટના સમયે કે બાદમાં બપોરના જમવામાં કે તેની થોડી વાર પછી નાળિયેર પાણીનું સેવન કરવું જોઇએ, તેનાથી તમારું વજન કંટ્રોલમાં રહે છે અને શરીરને એનર્જી મળે છે.