પરંપરાનું પાલન / VIDEO : યુવાન ચાબૂકથી તૂટી પડ્યો છત્તીસગઢના CM ભૂપેશ બઘેલ પર, હાથ પર માર માર્યો, તેઓ હસતા રહ્યાં

• છત્તીસગઢના સીએમ ભૂપેશે બઘેલે દુર્ગમાં ગૌરી-ગૌરા પૂજામાં રહ્યાં હાજર 
• હાજર શખ્સે બઘેલને હાથ પર માર્યા કોડા 
• હાથ પર દોરડા વડે માર મારવાની છે પરંપરા

છત્તીસગઢના સીએમ ભૂપેશ બઘેલને એક યુવાને હાથ પર ચાબુકનો માર માર્યો હતો જોકે આ માર કોઈ હુમલો નહોતો પરંતુ એક પરંપરા પ્રમાણે કરવામાં આવેલી રીતરિવાજ હતો. 

દુર્ગ જિલ્લામાં યુવાને સીએમ બઘેલને માર્યા કોડા 
દુર્ગ જિલ્લામાં સીએમ બઘેલ 'ગૌરી-ગૌરા પૂજા' પ્રસંગે હાજર રહ્યાં હતા અને આ દરમિયાન કોડા મારવાની પરંપરા શરુ કરવામાં આવી હતી. જે હેઠળ એક યુવાન હાથમાં દોરડું લઈને આવ્યો હતો અને મુખ્યમંત્રીના હાથ પર કોડા ફટકારવા લાગ્યો હતો. યુવાન પોતાની પૂરી તાકાતથી આવું કરતો રહ્યો હતો અને મુખ્યમંત્રી હસતા હસતાં કોડા ખાઈ રહ્યાં હતા. કોડા મારવાની વિધિ પૂરી થયા બાદ મુખ્યમંત્રી અને યુવાને એકબીજાનું અભિવાદન કર્યું હતું. આ ઘટનાનો એક વીડિયો પણ સામે આવ્યો છે જેમાં સીએમ યુવાનના હાથે હાથ પર કોડા ખાઈ રહેલા જણાય છે. 

#WATCH | Chhattisgarh Chief Minister Bhupesh Baghel getting whipped (sota) as part of a ritual on the occasion of 'Gauri-Gaura Puja' in Durg pic.twitter.com/avzApa8Ydq

— ANI MP/CG/Rajasthan (@ANI_MP_CG_RJ) October 25, 2022

સીએમ દર વર્ષે ધાર્મિક વિધિમાં ભાગ લેવા આવે છે 
કોડા મારનાર વ્યક્તિનું નામ બિરેન્દ્ર ઠાકુર જણાવવામાં આવી રહ્યું છે. તેમણે પરંપરા મુજબ મુખ્યમંત્રીના હાથે માર માર્યો હતો. વાસ્તવમાં, અહીં એવું માનવામાં આવે છે કે ગૌરા ગૌરી પૂજાના અવસરે, સળિયાથી હુમલો અનિષ્ટને અટકાવે છે અને સમૃદ્ધિ લાવે છે. સીએમ બઘેલ દર વર્ષે આ ધાર્મિક વિધિમાં ભાગ લે છે.