અમદાવાદ / ફોન ખોવાયો હોય કે ફ્રોડ કોલની માયાજાળ હોય, આવી રીતે કરો ચક્ષુ પોર્ટલ પર ફરિયાદ, ઝાટકે આવશે ઉકેલ

દુનિયા ભરમાં વધતા સાયબર ક્રાઈમને નાથવા વિશ્વના તમામ દેશો કડક પગલા લઈ રહ્યા છે. ભારત સરકારે પણ સાયબર ક્રાઈમને રોકવા "ચક્ષુ પોર્ટલ" શરુ કર્યુ છે. ત્યારે અમદાવાદની સાયબર ક્રાઈમનો ભોગ બનેલી યુવતીએ આ પોર્ટલનો સહારો લીધો છે. રીયા લોઢા નામની યુવતીએ સરકારના "ચક્ષુ પોર્ટલ"નો ઉપયોગ કરી ફરિયાદ નોંધાવી છે. 

સાયબર ક્રાઈમને અટકાવવા પ્રયાસ
સાયબર ઠગો યુવતીને ઇન્સ્ટન્ટ લોનના નામે અજાણ્યા નંબરથી કોલ કરીને બ્લેકમેઇલ કરી રહ્યા હતા. મહિલાએ જાગૃતતા દાખવીને સાયબર ક્રાઇમમાં રજુઆત તો કરી. આ સાથે ચક્ષુ પોર્ટલમાં આ નંબર પણ અપલોડ કરીને આ ઠગ વિરુદ્ધ ફરિયાદ પણ કરી છે. ત્યારે તમારી સાથે પણ આવી સાયબર ઠગાઈ, ફ્રોડ કોલ કે મેસેજથી ઘટના બને તો તમે પણ આ પોર્ટલનો સહયોગ લઈ ફરિયાદ નોંધાવી શકો છો.

સાયબર ઠગોને પકડવાની કામગીરી
"ચક્ષુ પોર્ટલ"એ સરકારે ટેલિકોમ સાધનોના દુરુપયોગને અટકાવવા પ્રયાસ કર્યો છે. જેમાં કોઈ પણ ફ્રોડ મોબાઈલ નંબરની વિગતની પોર્ટલ પર જાણ કરવામાં આવે તો તેના પર તાત્કાલિક કાર્યવાહી કરવામાં આવશે. તેમજ તે મોબાઈલ નંબરનું જોડાણ તાત્કાલિક કાપવામાં આવશે. સાથે જ  સાયબર ઠગોને પકડવામાં પણ મદદરૂપ કરશે.

ચક્ષુ પોર્ટલનો કેવી રીતે કરવો ઉપયોગ ?
ચક્ષુ પોર્ટલનો ઉપયોગ કરવા માટે પહેલા sancharsaathi.gov.in પર જાઓ.
અહીં Citizen Centric Services હેઠળ આપવામાં આવેલ Chakshu વિકલ્પ પર ક્લિક કરો.
આ પછી આપેલ ડિસ્ક્લેમર વાંચો અને જાણ કરવા આગળ વધો.
આગળના પેજ પર તમારે એક ફોર્મ ભરવાનું રહેશે, જ્યાં માધ્યમ, શ્રેણી, છેતરપિંડીનો સમય વગેરે ભરવાનું રહેશે.
આ પછી તમારે તમારી અંગત માહિતી ભરવી પડશે અને OTP દાખલ કરવો પડશે.
આ કર્યા પછી, નકલી સંદેશાવ્યવહારની ફરિયાદ નોંધવામાં આવશે

ચક્ષુ પોર્ટલ શું કરી શકો છો ફરિયાદ ?
અજાણ્યો મોબાઈલ નંબરથી ફ્રોડ કોલ મળ્યો હોય
ખોવાયેલા કે ચોરાયેલા મોબાઈલને બ્લોક કરવા અને શોધવા
મોબાઇલ નવો કે ઉપયોગ કરેલો તેની માહિતી માટે
આંતરરાષ્ટ્રીય નંબરો પરથી આવતા કોલની જાણ કરવા
લાયસન્સ ધરાવતા વાયરલાઇન ઇન્ટરનેટ સેવા પ્રદાતાઓને તપાસવા.