સ્પષ્ટતા / દેશભરની 600 બ્રાંચ બંધ કરશે Central Bank of India ? જોઈ લો બેંક તરફથી શું આપવામાં આવી પ્રતિક્રિયા

• સેન્ટ્રલ બેંક ઓફ ઈંડિયાની 600 બ્રાંચ થવાના વાવડ હતા
• બેંક તરફથી આવ્યું સત્તાવાર નિવેદન
• જોઈ લો નિવેદનમાં શું કરી છે સ્પષ્ટતા

એક એવા સમાચાર આવ્યા હતા કે, સૌથી જૂની બેંકોમાંની એક એવી સેન્ટ્રલ બેંક ઓફ ઈંડિયાની લગભગ 600 જેટલી બ્રાંચ બંધ થવાની છે. સાર્વજનિક ક્ષેત્રની બેંકે હવે સત્તાવાર રીતે જવાબ આપ્યો છે. 

હાલમાં કોઈ નિર્ણય નથી લીધો

એક રિપોર્ટમાં દાવો કરવામાં આવ્યો હતો કે, સેન્ટ્રલ બેંક પોતાની કુલ બેંક બ્રાંચમાંથી 13 ટકા બ્રાંચ બંધ કરશે. આ સંખ્યા 600ની બરાબર થાય છે. પણ હવે બેંકે સત્તાવાર રીતે નિવેદન આપ્યું છે અને આ સમાચારનું ખંડન કર્યું છે. 

દેશભરમાં 4594 શાખાઓ 

બેંક માર્ચ 2023 સુધી દેશભરમાં હાલની લગભગ 600 શાખાઓ બંધ કરવા અથવા નુકસાનીમાં ચાલી રહેલી બ્રાંચનું વિલય કરવા પર વિચાર કરતી હોવાનો દાવો કરવામાં આવ્યો હતો. આપને જણાવી દઈએ કે, સેન્ટ્રલ બેંક ઓફ ઈંડિયાની દેશભરમાં 4594 શાખાઓ છે. 

2017માં પીસીએ લિસ્ટમાં નાખવામાં આવી

અહીં ઉલ્લેખનીય છે કે, વર્ષ 2017માં સેન્ટ્રલ બેંક ઓફ ઈંડિયા સહિત કેટલીય બેંકોને અરબીઆઈના પ્રોમ્પટ કરેક્ટિવ એક્શન લિસ્ટમાં નાખવામાં આવી હતી. આ લિસ્ટમાં ખરાબ નાણાકીય હાલતમાંથી પસાર થઈ રહેલી બેંકોને નાખવામાં આવે છે. 

2018માં પીસીએમાં 12 બેંકોને રાખવામાં આવી હતી

આ લિસ્ટમાં આવતી બેંકોને કેટલાય પ્રતિબંધો સાથે નાણાકીય હાલતમાં સુધારો લાવવાનો મોકો આપ્યો હતો. 2018માં પણ આરબીઆઈએ પીસીએ ફ્રેમવર્કમાં 12 બેંકોને રાખવામાં આવી હતી. તે સમયે તેમા 11 સરકારી અને એક પ્રાઈવેટ બેંક હતી, જેને વધારાનો વર્કિંગ કેપિટલ આપવામાં આવ્યો હતો.