BIG BREAKING / રાબડી દેવીના ઘરે CBI રેડ, જમીનના બદલે નોકરી કૌભાંડ મામલે સૌથી મોટી કાર્યવાહી

• રાબડી દેવીના ઘરે સીબીઆઇની ટીમે રેડ પાડી
• લાલુ યાદવ, રાબડી દેવી સહિત 14 આરોપીઓને સમન મોકલ્યા હતા 
• જમીનના બદલામાં રેલવેમાં નોકરી આપવાના મામલામાં તપાસ 

બિહારના પૂર્વ મુખ્યમંત્રી રાબડી દેવીના ઘર પર સોમવારે સીબીઆઇની ટીમે રેડ પાડી હતી. સીબીઆઈ રાબડી દેવીની પૂછપરછ કરી રહી છે. કહેવામાં આવી રહ્યું છે કે IRCTC કૌભાંડ એટલે કે જમીનના બદલામાં રેલવેમાં નોકરી આપવાના મામલામાં તપાસ એજન્સી પૂર્વ મુખ્યમંત્રીની પૂછપરછ કરી રહી છે.

કહેવામાં આવી રહ્યું છે કે સીબીઆઈની 12 સભ્યોની ટીમ રાબડી દેવીની પૂછપરછ કરવા આવી છે. આ દરમિયાન તેમના પુત્રો તેજ પ્રતાપ અને તેજસ્વી યાદવ પણ આ આવાસમાં હાજર છે. સીબીઆઈએ રાબડી દેવીને પૂછપરછ માટે નોટિસ આપી હતી. અગાઉ આ તપાસ સીબીઆઈ ઓફિસમાં થવાની હતી પણ એ બાદમાં તેમને રાહત આપતા સીબીઆઈએ તેમની તેમના નિવાસસ્થાને પૂછપરછ કરવાનો નિર્ણય લીધો હતો. 

CBI visits Rabri Devi's residence in Patna, Bihar in connection with land-for-job case: CBI official to ANI https://t.co/Ob0UYWRpie pic.twitter.com/Hhf5pBH52k

— ANI (@ANI) March 6, 2023

આ પહેલા IRCTC કૌભાંડના મામલે કોર્ટે લાલુ યાદવ, રાબડી દેવી, મિસા ભારતી સહિત 14 આરોપીઓને સમન મોકલીને 15 માર્ચે કોર્ટમાં હજાર થવા માટે કહ્યું હતું. જણાવી દઈએ કે આ કિસ્સો એવા સમયે બન્યો જ્યારે લાલુ પ્રસાદ યાદવ સિંગાપોરથી કિડની ટ્રાન્સપ્લાન્ટ કરીને ભારત પાછા ફર્યા હતા. 

રેલવેમાં નોકરી બદલ રિશ્વતમાં જમીન લેવાના આરોપ મામલે સીબીઆઇ હાલ જાંચ કરી રહી છે અને એજન્સી એ હાલ આ મામલે ચાર્જશીટ પણ દાખલ કરી છે. આ મામલે લાલુ યાદવના નજીકના પૂર્વ વિધાયક ભોલા યાદવ અને હ્રદયાનંદ ચૌધરી પણ સામેલ છે.  સીબીઆઇએ 27 જુલાઇના રોજ ભોલા યાદવની ધરપકડ કરી હતી. જણાવી દઈએ કે વર્ષ 2004 થી 2009 વચ્ચે તત્કાલીન રેલ મંત્રી લાલુ પ્રસાદ યાદવના ઓએસડી હતા. 

શું છે મામલો? જાણો 
જણાવી દઈએ કે નોકરી કૌભાંડ માટે જમીન 14 વર્ષ જૂની છે. એન આ કૌભાંડ તે સમયનું છે જ્યારે લાલુ યાદવ રેલવે મંત્રી હતા. એ સમયે એવો દાવો કરવામાં આવે છે કે લાલુ યાદવે રેલવે મંત્રી હતા ત્યારે રેલવેમાં નોકરી આપવાના બદલામાં લોકો પાસેથી જમીન લીધી હતી. જણાવી દઈએ કે લાલુ યાદવ 2004 થી 2009 સુધી રેલ્વે મંત્રી હતા. 18 મેના રોજ સીબીઆઈએ આ મામલે કેસ નોંધ્યો હતો. સીબીઆઈના જણાવ્યા અનુસાર, લોકોને પહેલા રેલ્વેમાં ગ્રુપ ડીની પોસ્ટમાં અવેજી તરીકે ભરતી કરવામાં આવી હતી અને જ્યારે તેમના પરિવારોએ જમીનનો સોદો કર્યો ત્યારે તેમને નિયમિત કરવામાં આવ્યા હતા. 

સીબીઆઈનું કહેવું છે કે લાલુ યાદવના પરિવારે પટનામાં 1.05 લાખ ચોરસ ફૂટ જમીન પર કથિત રીતે અતિક્રમણ કર્યું છે. આ જમીનોનો સોદો રોકડમાં થયો હતો. એટલે કે લાલુ પરિવારે રોકડ ચૂકવીને આ જમીનો ખરીદી હતી. સીબીઆઈના જણાવ્યા અનુસાર આ જમીનો ખૂબ જ ઓછી કિંમતે વેચવામાં આવી હતી.