સાવધાન.! / વડોદરામાં દૂધ ચોર ઈસમ સક્રિય, દૂધની થેલીઓ કરી જાય છે ચોરી, CCTVમાં દેખાયો

• વડોદરા શહેરમાં દૂધ ચોરી કરતો શખ્શ  CCTV માં થયો કેદ
• અલકાપુરી વિસ્તારમાં છેલ્લા ત્રણ દિવસમાં બે વખત થઈ દૂધની ચોરી
• વહેલી સવારે તસ્કર કેનમાંથી દૂધની થેલીઓની ચોરી કરતો હતો 

 અવાર નવાર ઘરફોડ ચોરી, બાઈક ચોરી તેમજ સાયકલ ચોરી જેવા અનેક કિસ્સાઓ પોલીસ દફરતે નોંધાયેલા છે. ત્યારે વડોદરામાં છેલ્લા ત્રણ દિવસથી દૂધ ચોરીની ઘટના સમગ્ર વિસ્તારમાં ટોક ઓફ ધ ટાઉન બની છે. ત્યારે આજે આ દૂધ ચોર CCTV  માં દૂધ ચોરી કરતો કેદ થઈ જવા પામ્યો હતો. ત્યારે અલકાપુરી વિસ્તારમાં છેલ્લા ત્રણ દિવસમાં બે વખત દૂધ ચોરીની ઘટનાં બની હતી.

અગાઉ 3 કેરેટમાંથી કરી દૂધની કરી હતી ચોરી
દૂધ ચોર એક બે થેલી નહી પરંતું 6 કેરેટમાં રહેલ તમામ થેલીઓ લઈ થેલો ભરીને પલાયન થઈ જતો હતો.  ત્યારે દૂધ ચોરીની સમગ્ર ઘટનાં CCTV માં કેદ થઈ જવા પામી હતી. ત્યારે વહેલી સવારે આવેલો તસ્કર દૂધનાં 6 કેનમાંથી  દૂધની ચોરી કરી ફરાર થઈ ગયો હતો. ત્યારે અગાઉ  દૂધ ચોર દ્વારા ત્રણ કેનમાંથી દૂધ ચોરી કરી હતી. જે બાદ તેની હિંમત વધી જતા તેણે વધુ કેરેટમાંથી ચોરી કરી હતી.

દુકાન માલિકે CCTV નાં આધારે દૂધ ચોરની તપાસ હાથ ધરી
આ દૂધ ચોર દ્વારા ક્યાં કારણથી આ દૂધ ચોરી કરવામાં આવી રહી છે તે હજુ એક રહસ્ય છે. ત્યારે હવે CCTV  નાં આધારે દુકાન માલીક દ્વારા આ દૂધ ચોર શખ્સની તપાસ હાથ ધરી છે. તેમજ તે ક્યાં કારણથી દૂધ ચોરી કરતો હતો. તેમજ આટલું બધા દૂધનું તે શું કરતો હતો તે જાણવાનો પ્રયત્ન હાથ ધર્યો છે.

અમદાવાદમાં પણ કિંમતી સામાન અને નાસ્તો કરી ફરાર થઈ જતી ગેંગનો આતંક
અમદાવાદનાં પોશ વિસ્તાર એવા બોપલમાં આવેલ પરધામ સોસાટરીમાં ચોર ટોળકી કિંમતી ચીજ વસ્તુની ચોરી કરી ઘરમાં પડેલ નાસ્તો કરી ફરાર થઈ જતી ગેંગે આતંક મચાવ્યો છે. ત્યારે આ ચોર ટોળકીએ એક જ માસમાં 7 થી વધુ મકાનોમાં ચોરી કરી છે.  પોલીસ દ્વારા ચોર ટોળકીને પકડવાનાં ચક્રોગતિમાન કર્યા છે.