ગાંધીનગર / ગૌણ સેવા પસંદગી મંડળના ઉમેદવારો જલ્દીથી આ ફોર્મ ભરી દેજો, નહીં તો 10 માર્ચે પરીક્ષામાં નહીં બેસવા દેવાય, જાણો છેલ્લી તારીખ

• ગૌણ સેવા પસંદગી મંડળે સંમતિ પત્ર ભરવા પરિપત્ર બહાર પાડ્યો
• જાહેરાત નં. 213 અને 215 મુદ્દે ઉમેદવારોને ભરવા પડશે સંમતિ પત્ર
• પરીક્ષાઓમાં ઉમેદવારોની ગેરહાજરીનું પ્રમાણ વધતા લેવાયો નિર્ણય 

ગૌણ સેવા પસંદગી મંડળ એડ નંબર 213 અને 215ની પરીક્ષાના ઉમેદવારો પાસે સંમતિ પત્ર મંગાવ્યા છે. અત્રે જણાવીએ કે, ગૌણ સેવા પસંદગી મંડળની જાહેરાત 213/202324-સર્વેયર (મહેસૂલ વિભાગ) અને જાહેરાત ક્રમાંક 215/202324 પ્લાનીંગ આસીસ્ટન્ટની તાંત્રિક સંવર્ગની સીધી ભરતીની જાહેરાત મુદ્દે તા.10/03/2024ના રોજ સ્પર્ધાત્મક CBRT પરીક્ષા પધ્ધતિથી ગુજરાતના જુદા જુદા પરીક્ષા કેન્દ્રો પર આયોજન કરવામાં આવ્યું છે.

વાંચો વિગતે પરિપત્ર

પરીક્ષા આપવા માટેના સંમતિ પત્ર ભરવા પડશે
ગૌણ સેવા પસંદગી મંડના પરિપત્રમાં જણાવ્યું છે કે, પરીક્ષામાં ઓનલાઇન ઉમેદવારી નોંધાવતા ઉમેદવારો પૈકી ઘણાં ઉમેદવારો પરીક્ષા પરત્વે ગંભીર હોતા નથી. તેમજ પરીક્ષામાં પણ હાજર રહેતા નથી. તાંત્રિક સંવર્ગની પરીક્ષાઓમાં ઉમેદવારોની ગેરહાજરીનું પ્રમાણ ઘણું મોટુ રહેતુ હોય છે તેવું જણાયેલ છે. જે સ્પર્ધાત્મક પરીક્ષાના આયોજન માટે નોંધાયેલ ઉમેદવારોની સંખ્યાને ધ્યાને લઈને ઉમેદવારોને પરીક્ષા આપવા માટેના સંમતિ પત્ર ભરવા પડશે

વાંચવા જેવું: નાના ઉદ્યોગકારોને લઇ ગુડ ન્યુઝ: રાજ્યમાં ટૂંક સમયમાં થઇ શકે છે મોટી જાહેરાત, CMએ આપી હૈયાધારણાં

અહીં સંમતિ પત્ર જોવા મળશે
તમામ બાબતો ધ્યાને લઈ જાહેરાત ક્રમાંક 213/202324 અને જાહેરાત ક્રમાંક 215/202324 માટે નોંધાયેલ ઉમેદવારો પાસેથી પરીક્ષા આપવા માટેની સંમતિ મેળવવાનું મંડળ દ્વારા નક્કી કરવામાં આવેલ છે. અને આ અંગેની સંમતિ અંગેનું ફોર્મ OJAS વેબસાઇટ https://ojas.gujarat.gov.in ઉપર ઉપલબ્ધ કરવામાં આવેલું છે. જે માટે ઉમેદવારે OJAS વેબસાઇટ ઉપરના HOME PAGE ઉપર NOTICE BOARD જોઈ શકશે