ચોંકાવનારું રિસર્ચ / બાપ રે... યુવાનોમાં વધી રહ્યો છે કેન્સરનો ખતરો, સ્ટડીમાં થયો ચોંકાવનારો ઘટસ્ફોટ, જાણો આખરે શું છે કારણ

• કેન્સરના સૌથી વધુ કેસ જોવા મળી રહ્યા છે
• ગેસ્ટ્રોઈંટેસ્ટાઈનલ કેન્સરના કેસમાં સતત વધારો
• સ્ટડીમાં ઘટસ્ફોટ, યુવાનોમાં વધી રહ્યો છે કેન્સરનો ખતરો

એક સ્ટડી પરથી જાણવા મળ્યું છે કે, વર્ષ 2010થી વર્ષ 2019 સુધીમાં 50 વર્ષ અથવા તેનાથી ઓછી ઉંમરના લોકો વચ્ચે કેન્સરના સૌથી વધુ કેસ જોવા મળી રહ્યા છે. આ સ્ટડી પરથી જાણવા મળ્યું છે કે, ગેસ્ટ્રોઈંટેસ્ટાઈનલ કેન્સર ઝડપથી વધી રહ્યું છે. આ કેન્સરના કેસમાં 14.80 ટકાનો વધારો થયો છે. ત્યારપછી બીજા નંરે એંડોક્રાઈન કેન્સર આવે છે, આ કેન્સરના 8.69 ટકા કેસ સામે આવ્યા છે. ત્યારપછી બ્રેસ્ટ કેન્સર આવે છે, જે 7.7 ટકા રહ્યું છે. 

પાચન તંત્રમાં કોઈપણ સ્થળે ગેસ્ટ્રોઈંટેસ્ટાઈનલ કેન્સર થઈ શકે છે. જેમાં ઈસોફેગસ, પેટ, નાના આંતરડા, કોલન, પેન્ક્રિયાઝ, ગોલ બ્લેડર, બાઈલ ડક્ટ, લિવર, રેક્ટમ અને એનસ શામેલ છે. ગેસ્ટ્રોઈંટેસ્ટાઈનલ કેન્સર ઝડપથી વધી રહ્યું છે, તેમ છતાં વર્ષ 2019માં 50 અને તેનાથી ઓછી ઉંમરના લોકોમાં બ્રેસ્ટ કેન્સરના સૌથી વધુ કેસ સામે આવ્યા છે. નેશનલ યુનિવર્સિટી ઓફ સિંગાપોરમાં કેટલાક રિસર્ચર્સે 1 જાન્યુઆરી 2010થી 31 ડિસેમ્બર 2019 સુધી 17 નેશનલ કેન્સર રજિસ્ટ્રિઓના ડેટાનું યોગ્ય પ્રકારે વિશ્લેષણ કર્યું છે. 

કેન્સરનું જોખમ શા માટે વધી રહ્યું છે?
મેદસ્વીતા, સ્મોકિંગ, અયોગ્ય સ્લીપ પેટર્ન, ઝીરો ફિઝિકલ એક્ટિવિટી, ગેસોલીન, માઈક્રોબાયોટા અને કાર્સિનોજેનિક કમ્પાઉન્ડ્સનું જોખમ વધુ છે. સ્ટડી અનુસાર યુવાઓમાં કેન્સરના કેસ વધી રહ્યા છે. અયોગ્ય લાઈફસ્ટાઈલ અને અયોગ્ય ખાનપાનની આદતોને કારણે આ પ્રકારે થઈ રહ્યું છે. કોરોનાકાળ દરમિયાન મેદસ્વીતા, શરાબ, તમાકુ, અયોગ્ય લાઈફસ્ટાઈલની સમસ્યા વધી ગઈ છે. 

લાઈફસ્ટાઈલ સારી બનાવવાની કોશિશ
30-39 વર્ષની મહિલાઓમાં સૌથી વધુ બ્રેસ્ટ કેન્સરના કેસ જોવા મળી રહ્યા છે. વર્ષ 2010થી વર્ષ 2019 વચ્ચે આ સ્ટડી કરવામાં આવી હતી. જેમાં ખરાબ આદતોમાં સુધારો કરવા, લાઈફસ્ટાઈલ સુધારવા પર જોર આપવામાં આવ્યું છે.

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાંત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)