મંદિરમાં તોડફોડ / કેનેડામાં ફરી હિન્દુ મંદિર પર હુમલો, હુમલાખોરોએ માસ્ક પહેરી કરી તોડફોડ, દીવાલો પર લખ્યા ભારત વિરોધી સૂત્રો

• કેનેડામાં ફરી હિન્દુ મંદિરને બનાવ્યું નિશાન
• હુમલાખોરોએ હિન્દુ મંદિરમાં કરી તોડફોડ
• સમગ્ર ઘટના સીસીટીવી કેમેરામાં પણ કેદ 

કેનેડામાં ફરી એકવાર હિન્દુ મંદિરોને નિશાન બનાવવામાં આવ્યા છે. અહીં ઓન્ટારિયો પ્રાંતના વિન્ડસર શહેરમાં, માસ્ક પહેરેલા હુમલાખોરોએ હિન્દુ મંદિર પર હુમલો કર્યો. હુમલાખોરોએ મંદિરમાં તોડફોડ કરી હતી અને દિવાલો પર નફરતના સૂત્રો લખ્યા હતા. આ ઘટના અંગે સ્થાનિક પોલીસે જાણ કરી હતી. આ સમગ્ર ઘટના સીસીટીવી કેમેરામાં પણ કેદ થઈ ગઈ છે. 

WINDSOR POLICE NEWS RELEASE
Two suspects wanted for hate-motivated graffitihttps://t.co/yOvlYU4ykn@CStoppers with information pic.twitter.com/5bT4ukynSq

— Windsor Police (@WindsorPolice) April 5, 2023

ભારત વિરોધી સૂત્રો લખ્યા 

માસ્ક પહેરેલા બદમાશોએ BAPS શ્રી સ્વામિનારાયણ મંદિરની બહાર દિવાલ પર કાળા રંગથી હિન્દુ વિરોધી અને ભારત વિરોધી સૂત્રો લખ્યા હતા. પોલીસે વધુમાં જણાવ્યું હતું કે હિંદુ મંદિરમાં થયેલી તોડફોડને નફરતની ઘટના તરીકે તપાસવામાં આવી રહી છે. પ્રાથમિક તપાસમાં અધિકારીઓને એક વીડિયો મળ્યો છે જેમાં 12 વાગ્યા પછી આ વિસ્તારમાં બે શંકાસ્પદ લોકો જોવા મળ્યા હતા. વીડિયોમાં એક શંકાસ્પદ ઈમારતની દિવાલમાં તોડફોડ કરતો જોવા મળે છે જ્યારે બીજો તેની બાજુમાં ઉભો છે. પોલીસે જણાવ્યું હતું કે ઘટના સમયે, એક શંકાસ્પદ વ્યક્તિએ કાળું સ્વેટર, ડાબા પગ પર સફેદ રંગનો નાનો લોગો ધરાવતું કાળું પેન્ટ અને બ્લેક એન્ડ વ્હાઇટ હાઈ-ટોપ રનિંગ શૂઝ પહેરેલા હતા. બીજા શંકાસ્પદ વ્યક્તિએ કાળું પેન્ટ, શર્ટ, કાળા પગરખાં અને સફેદ મોજાં પહેર્યા હતા. 

Canada: Hindu temple vandalised in Windsor, police launches investigation

Read @ANI Story | https://t.co/3lvMTtBngC#HinduTemple #Canada #Windsor #WindsorPolice pic.twitter.com/0smMqYMpdi

— ANI Digital (@ani_digital) April 6, 2023

 

કોઈ કાર્યવાહી કરવામાં આવી નથી

વિન્ડસરમાં મંદિરમાં તોડફોડની આ પાંચમી ઘટના છે. તમને જણાવી દઈએ કે આ પહેલા 14 ફેબ્રુઆરીએ મિસીસૌગાના રામ મંદિરમાં તોડફોડની સાથે હિંદુ વિરોધી અને ભારત વિરોધી નારા લખવામાં આવ્યા હતા. કેનેડાના બ્રેમ્પટનના ગૌરી શંકર મંદિર અને રિચમંડના વિષ્ણુ મંદિરમાં પણ ઘણી મૂર્તિઓ તોડી નાખવામાં આવી હતી. ખાલિસ્તાની સમર્થકોએ મહાત્મા ગાંધીની પ્રતિમાને પણ ઘણી વખત નિશાન બનાવી છે અને ભારત વિરોધી સૂત્રો લખ્યા છે.