VIRAL / લાકડાંના ચૂલા પર ઇડલી બનાવી વેચતા 80 વર્ષના દાદીને શોધી રહ્યા છે બિઝનેસમેન આનંદ મહિન્દ્રા

• મદદ માટે હંમેશા તૈયાર હોય છે આનંદ મહિન્દ્રા
• ઇડલી બનાવનારા આ વુદ્ઘ મહિલાના બિઝનેસમાં રોકાણ કરવા માગે છે આનંદ મહિન્દ્રા
•  વીડિયો ટ્વિટ કરીને આપી જાણકારી

આનંદ મહિન્દ્રાએ પોતાના ઑફિશ્યલ ટ્વિટર પર એક વીડિયો શૅર કર્યો છે, જેમાં એક વુદ્ઘ મહિલા લાકડાના ચૂલા પર ઇડલી બનાવી રહ્યા છે. આનંદ મહિન્દ્રા આ દાદી 'અમ્મા' કમલાથલ વિશે જાણકારી મેળવીને તેમના ઇડલી બનાવવાના બિઝનેસમાં રોકાણ કરવા માંગે છે. 

આનંદ મહિન્દ્રાએ ટ્વિટ કરતા લખ્યુ કે,

''કેટલીક વાર્તાઓ ખૂબ જ સામાન્ય હોય છે પરંતુ જો તમે પણ કમલાથલ જેવુ પ્રભાવશાળી કામ કરતા હોવ તો ચોક્કસ તે દુનિયાને આશ્ચર્યમાં મુકશે. મને લાગે છે કે તેઓ હજી પણ લાકડાના ચૂલાનો ઉપયોગ કરે છે. જો કોઇ તેમને ઓળખતું હોય તો હું તેમને એક LPG ગેસ સ્ટવ આપવા માંગુ છુ અને તેમના બિઝનેસમાં રોકાણ કરવા માંગુ છું.''

One of those humbling stories that make you wonder if everything you do is even a fraction as impactful as the work of people like Kamalathal. I notice she still uses a wood-burning stove.If anyone knows her I’d be happy to ‘invest’ in her business & buy her an LPG fueled stove. pic.twitter.com/Yve21nJg47

— anand mahindra (@anandmahindra) September 10, 2019

આ વીડિયોમાં જોયા પછી આનંદ મહિન્દ્રા કમલાથલના કામના ખૂબ જ વખાણ કરી રહ્યા છે. 

તમને જણાવી દઇએ કે, ઇડલી બનવારા દાદી ચેન્નાઇના કોયંબતૂર શહેરથી લગભગ 20 કિમી દૂર પેરૂર પાસે વડીવેલામપલાયામ નામના ગામમાં રહે છે. આજે પણ માત્ર એક રૂપિયામાં ઈડલી સાંભર અને મસાલેદાર ચટણી સાથે વેચે છે. રિપોર્ટ અનુસાર, લગભગ 30 વર્ષ પહેલા ઇડલી વેચવાનું શરૂ કર્યુ, તેઓ આ કામ નફો કમાવવા માટે નહી પરંતુ પેટ ભરવા માટે કરે છે.

Read Also: વરસાદના પાણીમાં જૅગુઆર ફસાઈ અને આનંદ મહિન્દ્રાએ કર્યુ એવું ટ્વિટ કે થઈ ગયું વાયરલ

આ દાદી અમ્મા દરરોજ 100 ઇડલી બનાવે છે. 80 વર્ષની ઉંમરમાં દાદી બધુ જ કામ જાતે કરે છે. તેઓ પોતાના હાથે બનાવેલી ઇડલી 1 રૂપિયામાં વેચે છે, જેથી મજૂરો અને તેમનો પરિવાર સરળતાથી ખાઇ શકે. શરૂઆતમાં દાદી એક ઈડલી 50 પૈસામાં વેચતા હતા. તેઓ કહે છે કે, ''ઘણા લોકોએ વધતી મોંઘવારીને જોતા મને ઇડલીના ભાવ વધારવાનું કહ્યુ પરંતુ મેં ના પાડી દીધી કારણ કે મોટે ભાગે મારા ગ્રાહકો ગરીબ છે.''