સાહેબ વાત મળી છે / બરોડા ડેરીનો 'મલાઈદાર વહીવટ': આખરે ઘીના ઠામમાં ઘી પડ્યું કેવી રીતે? સતીશ નિશાળિયાએ શું પાઠ ભણાવ્યા

• બરોડા ડેરીનો વિવાદ ઉકેલવામાં ભાજપ સફળ
• ખેંચતાણ વચ્ચે ઘીના ઠામમાં ધી ઢોળાઈ ગયું 
• ડેરીના મલાઈદાર વહીવટ માટે મોટી લોબી ચાલી 

બરોડા ડેરીના મલાઈદાર વહીવટ મેળવવાની ખેંચતાણમાં ઘીના ઠામમાં ધી ઢોળાઈ ગયું પણ કેટલાયની મન ની મનમાં રહી ગઈ તેવો ઘાટ થયો છે. જિલ્લાની બરોડા સેન્ટ્લ કો. ઓપ. બેંકની સત્તા ગુમાવનાર અને તેમના સમર્થકોએ જિલ્લા ભાજપ પ્રમુખ સતીશ નિશાળિયા(પટેલ) ફરી ચેરમેન ના બને તે માટે સાવલીના ધારાસભ્ય કેતન ઇનામદારનો છેડો પકડ્યો પણ સતીશ પટેલે તેનાથી પણ ઊંચું નિશાન તાક્યું અને વડોદરા શહેરમાં ભાજપનો સર્વોચ્ચ હોદ્ધો ધરાવતા નેતાની લિંકથી  સુરતના એક નેતાના આશીર્વાદથી લાઈન પકડી લીધી અને સી આર પાટીલનો હુકમ મેન્ડેડ સ્વરૂપે આવ્યો અને ફરી સતીશ નિશાળિયા (પટેલ) ડેરીમાં ચેરમેન બની ગયા.

ભાજપે બધાને સાચવી લીધા..!
ડેરીમાં પોતાના માણસને સત્તા પર બેસાડવા ચાર ધારાસભ્યો અને સાંસદની ગોઠવણ ના ચાલી અને ચેરમેન સતીશ પટેલ બન્યા જ્યારે એક સમય કેતન ઈનામદાર જેનો વિરોધ કરતા હતા તે જીબીસોલંકી વાઇસ ચેરમેન બન્યા છે એટલે કે, ચેરમેન અને વાઈસ ચેરમેનને સ્થાનિક નેતાઓની અનઈચ્છાએ પણ સ્વીકારવા પડ્યા છે. જોકે આ બધામાં દિનુ પટેલ કિંગ મેકર સાબિત થાય તેમનો એક પ્રકારે ભાજપ પ્રવેશ થઈ ગયો અને ભાજપે લોકસભાની ચૂંટણીને ધ્યાને રાખીને વડોદરા જિલ્લાના પટેલોને પ્રમુખ પદ આપ્યું અને અને છોટાઉદેપુર જિલ્લાના ક્ષત્રિયઓ ને વાઇસ ચેરમેન પદ આપીને સાચવી લીધા છે. મલાઈદાર વહીવટ મેળવવાના ખેલમાં અનેક મુરતિયા ઓની મન ની મનમાં રહી ગઈ છે અને કોંગ્રેસ છોડીને ભાજપમાં આવેલા ક્રિપાલસિહને અઢી મહિનાની સત્તા મેળવીને મન મનાવવું પડ્યું છે.