હત્યા / 'સાધુ'એ પુત્રની સામે કરી માતાની કરપીણ હત્યા, આરોપી ફરાર

• બિહારમાં માનવતાને શરમાવે તેવી બની ઘટના
• ઘાસ કાપવા ગયેલી મહિલા સાથે થયો બળાત્કારનો પ્રયાસ
• બળાત્કાર કરવામાં નિષ્ફળ રહેનાર આરોપીએ કરી મહિલાની હત્યા

મહિલાની હત્યા કરનાર આરોપી ફરાર

જણાવવામાં આવી રહ્યું છે કે આરોપી મહિલાની બાજુમાં રહે છે. આ ઘટના બાદ આરોપી ફરાર થયો છે. મહિલાની હત્યા થઇ હોવાની સુચના મળતા પોલીસ ઘટનાસ્થળે પહોંચી હતી અને મૃતદેહને તાબા હેઠળ લઇને પોસ્ટ મોર્ટમ માટે મોકલવામાં આવ્યો. અત્યારે આરોપી ફરાર છે. પોલીસે વધુ કાર્યવાહી હાથ ધરી છે.

મહિલાની બાજુમાં રહેતો હતો ઢોંગી સાધુ

માહિતી મુજબ, લક્ષ્મીપુરની રહેવાસી તારા દેવી વહેલી સવારે પોતાના પુત્રની સાથે ઘાસ કાપી રહી હતી ત્યારે તેની બાજુમાં રહેતા મોતીલાલ યાદવ મહિલાની નજીક ગયો અને મહિલા પર બળાત્કાર કરવાનો પ્રયાસ કર્યો. જ્યારે મહિલાએ બૂમો પાડી તો આરોપીએ મહિલા પર કુહાડી મારી. જાણકારી મુજબ, મોતીલાલ યાદવ સાધુના વેશમાં રહેતો હતો.

હવસખોરે હેવાનિયતની દરેક સીમા વટાવી

મીડિયા રિપોર્ટ મુજબ, આરોપીએ મહિલાના પુત્રની સામે મહિલાની કરપીણ હત્યા કરી. કપટી સાધુએ મહિલાના ગળા પર કુહાડી દ્વારા એવો ઘા કર્યો કે મહિલાનું માથું તેના ધડથી અલગ થઇ ગયુ. આ સમગ્ર મામલાની તપાસ કરી રહેલા પોલીસ અધિકારીનું કહેવુ છે કે મહિલાના મૃતદેહને કબજામાં લઇ પોસ્ટ મોર્ટમ માટે મોકલવામાં આવ્યો છે. મૃતક મહિલાના પરિવારજનોની ફરિયાદના આધારે પ્રાથમિક ફરિયાદ નોંધવામાં આવી છે. પરિવારજનોએ કહ્યું કે, પોલીસ વધુ તપાસ કરી રહી છે.