સાવધાન / ગુજરાતીઓ માટે ચેતવણીરૂપ કિસ્સો : ઘરે સારવારના નામે બોગસ ડૉક્ટરે દર્દી સાથે જે કર્યુ તે જાણી ચોંકી જશો

• બોગસ ડોક્ટર ટોળકીથી સાવધાન
• એક પરિવાર પાસેથી પડાવ્યા દોઢ લાખ
• એક દિવસનો 10 હજાર લેતા હતા ચાર્જ

કોરોના સમયમાં ઘરે ખાનગી સારવાર કરનારા માટે એક ચેતવણી રૂપ કિસ્સો સામે આવ્યો છે, અમરાઈવાડી વિસ્તારમાં ઘરે સારવાર આપવાના બહાને બોગસ ડોક્ટર અને તેની સાથેની ટોળકી દર્દીઓ સાથે ઠગાઈ કરતા હતા. અને સારવાર આપવાના નામે પૈસા પડાવતા હતા.આ ટોળકીએ કોરોના દર્દીના પરિવારજનો પાસેથી એક દિવસો રૂપિયા 10 હજાર ચાર્જ લેતા હોવાનું સામે આવ્યું છે અને તેઓ સારવાર આપવાના નામે  છેતરપિંડી આચરી 1.50 લાખ જેટલી રકમની છેતરપિંડી કરી છે.

સારવારને નામે દર્દી સાથે ઠગાઈ

મહત્વનું છે કે સમગ્ર મામલે પરિવારજનોને આશંકા જતા અમરાઈવાડી પોલીસ સ્ટેશનમાં ફરિયાદ નોંધાવી છે, કોરોના કાળમાં કેટલાક લોકો કોરોનાના સામાન્ય લક્ષણો ધરાવતા હોવાથી તેઓ હોસ્પિટલમાં સારવાર અર્થે જવાનું ટાળે છે અને ઘરમાં ક્વોરોન્ટાઈ થઈ સારવાર કરાવતા હોય છે. જેમાં કેટલાક ઘરે ડોક્ટર કે નર્સને બોલાવીને સારવાર લેવાનું યોગ્ય સમજતા હોય છે એવામાં અમરાઈવાડી વિસ્તારમાં સારવારને નામે દર્દી સાથે ઠગાઈ કર્યા હોવાનું સામે આવ્યું છે. 

ઘરે સારવાર આપવાના બહાને છેતરપિંડી

કોરોના દર્દીને સારવાર આપવાના બહાને એક દિવસનો 10 હજાર ચાર્જ વસુલવામાં આવતો હતો..જેમાં બોગસ ડોક્ટર અને નર્સે મળીને દર્દીના પરિવાર પાસેથી દોઢ લાખ રૂપિયા પડાવ્યા હોવાનું મનાઈ રહ્યું છે.  નર્સ તરીકે સેવા આપતી મહિલા ખાનગી હોસ્પિટલમાં નર્સ તરીકે નોકરી કરે છે, સમગ્ર ઘટનાનો પર્દાફાસ થતા જ અમરાઈવાડી પોલીસમાં બોગસ ડોક્ટર અને તેની ટોળકી સામે ફરિયાદ નોંધાઈ છે. આ ટોળકીએ સારવાર આપવાના બહાને દર્દીના પરિવારજનો પાસેથી દોઢ લાખ રૂપિયા પડાવ્યા હોવાનું મનાઈ રહ્યું છે સમગ્ર મામલે પોલીસ છેતરપિંડી અને ઠગાઈ કરવા મામલે ફરિયાદ નોંધી આગળની કાર્યવાહી હાથ ધરી છે.