ટીવી શો / Bigg Boss 16 ફિનાલે પહેલા રાતોરાત શિવ ઠાકરેની કિસ્મતે મારી પલટી, રોહિત શેટ્ટીએ આપી મોટી ઓફર!

• આવતીકાલે બિગ બોસ 16નો વિજેતા દુનિયાની સામે હશે
• શિવ ઠાકરેને રોહિત શેટ્ટીએ એક મોટી ઓફર આપી છે
• ચમકી ગયું  શિવ ઠાકરેનું ભાગ્ય

12 ફેબ્રુઆરીના રોજ બિગ બોસ 16નો ગ્રાન્ડ ફિનાલે થવા જઈ રહ્યો છે. એટલે કે આવતીકાલે બિગ બોસ 16નો વિજેતા દુનિયાની સામે હશે. જો કે શોની ટ્રોફી કોને મળશે એ તો આવતી કાલે જ ખબર પડશે પણ તે પહેલા શિવ ઠાકરેના ચાહકો માટે હાલ સારા સમાચાર સામે આવ્યા છે. જણાવી દઈએ કે બિગ બોસ પછી શિવ ઠાકરે રોહિત શેટ્ટીના શો ખતરો કે ખિલાડી 13માં જોવા મળી શકે છે. 

ચમકી ગયું  શિવ ઠાકરેનું ભાગ્ય
જણાવી દઈએ કે શિવ ઠાકરે બિગ બોસ 16ના સૌથી સ્ટ્રોંગ કન્ટેસ્ટન્ટમાંથી એક છે. જો કે આ સાથે જ શિવને બિગ બોસ 16ની ટ્રોફીનો પણ દાવેદાર માનવામાં આવે છે. આવતીકાલે શિવ ઠાકરે શોના વિજેતા બને છે કે નહીં તે જોવાનું રહેશે પણ બિગ બોસના ઘરમાંથી બહાર નીકળતા પહેલા જ શિવ ઠાકરેને રોહિત શેટ્ટીએ એક મોટી ઓફર આપી છે. વાત એમ છે કે બિગબોસના ગ્રાન્ડ ફિનાલે પહેલા રોહિત શેટ્ટી બિગ બોસના ઘરમાં આવશે અને દરેક કન્ટેસ્ટન્ટને ખતરનાખ ટાસ્ક કરાવતા પણ નજર આવશે. 

BREAKING! For the first time in history the contestants will get an opportunity for KKK during Finale week. Rohit Shetty will be announcing & picking a contestant from the TOP 5 for the next season of #KhatronKeKhiladi

As per Source, Rohit choose #ArchanaGautam and #ShivThakare. pic.twitter.com/bFYvMYlemi

— #BiggBoss_Tak👁 (@BiggBoss_Tak) February 10, 2023

બિગ બોસના આગામી એપિસોડનો પ્રોમો સામે આવ્યો
રોહિત શેટ્ટી ફક્ત ટાસ્ક જ નહીં કરાવે પણ એમનો ઇરાદો ખતરો કે ખિલાડી 13 માટે કન્ટેસ્ટન્ટની પસંદગી કરવાનો પણ છે. જણાવી દઈએ કે બિગ બોસના આગામી એપિસોડનો પ્રોમો સામે આવ્યો છે અને રોહિત શેટ્ટી તેમાં શિવ ઠાકરે, અર્ચના ગૌતમ, એમસી સ્ટેન, પ્રિયંકા ચૌધરી અને શાલીન ભનોટને ટાસ્ક આપતા જોવા મળે છે. જો કે સાથે એમ કહેતા પણ જોવા મળ્યા છે કે 'તમારામાંથી એકને ખતરો કે ખિલાડીમાં જવાનો મોકો મળશે.' 

શિવ ઠાકરેને શો ઓફર કરવામાં આવ્યો
હાલ મળતી રિપોર્ટ્સ અનુસાર રોહિત શેટ્ટીએ બિગ બોસના ફાઇનલિસ્ટને એક કરતા વધારે મુશ્કેલ ટાસ્ક આપ્યા હતા અને એ આપછી એમને ખતરો કે ખિલાડી માટે શિવ ઠાકરેને પસંદ કર્યા છે. જણાવી દઈએ કે ખતરો કે ખિલાડી માટે શિવ ઉપરાંત અર્ચના ગૌતમનું નામ પણ સામે આવી રહ્યું છે. નોંધનીય છે કે રોહિત શેટ્ટી ગ્રાન્ડ ફિનાલેમાં ખતરો કે ખિલાડી 13ના પ્રથમ સ્પર્ધકના નામની જાહેરાત કરવાનો છે. જો કે આ પહેલીવાર છે જ્યારે બિગ બોસના સ્પર્ધકોને સીધા ખતરો કે ખિલાડી 13માં જવાની તક મળી રહી હોય.