અમદાવાદ / ગુજરાતમાં પ્રથમ ઓપરેશનઃ બોટાદના 210 કિલોના વ્યક્તિની થઇ સફળ સર્જરી, જાણો કેટલો થયો ખર્ચ

• અમદાવાદ સિવિલમાં સફળ સર્જરી
• બોટાદના 210 કિલો વજન ધરાવતા વ્યક્તિનું કરવામાં આવ્યું ઓપરેશન
• ઓપરેશનમાં માત્ર 30 હજારનો ખર્ચો આવ્યો

આધુનિક રહેણીકરણી ને કારણે ઓબેસિટી નાં દર્દીઓ ની સંખ્યા વધી રહી છે..૨૧૦ કિલો વજન થી કંટાળેલા એક વ્યક્તિ ની અમદાવાદ ની સિવિલ હોસ્પિટલમાં સફળ બેરિયાટ્રિક સર્જરી કરવામાં આવી છે.

જીનેટિકલ પ્રોબ્લેમથી વજન વધ્યું
જૉ તમારું વજન 200કિલો કે તેથી વધુ હોય તો? વિચારી ને પરસેવો વળી જાય ત્યારે આવા દર્દી ની બેરિયાટ્રિક સર્જરી કરવામાં સિવિલ હોસ્પિટલ નાં ડોક્ટર ને પણ પરસેવો વળી ગયો..બોટાદ ખાતે રહેતા અને હીરા ઘસવાનું કાર્ય કરતા ચેતન પરમાર ને જીનેટિકલ પ્રોબ્લેમ હોવાથી તેનુ વજન ધીમે ધીમે વધી 210 કિલો થયું.વધુ વજન ને કારણે તે ચાલી શકતા ન હતા. રૂટીન કામગીરી પણ કરી શકતા ન હતા. આખરે આ બધાથી થાકી હારી થકી સર્જરી કરવાની નિર્ણય કર્યો.

ઓપરેશન કરવામાં શું શું આવી ચેલેન્જ?

• 210 કિલો વજન ધરાવતા દર્દીના ઓપરેશન પહેલા અને પછી પડેલી ચેલેન્જ
• એક્સરે બે ભાગમાં પાડવા પડતા કારણ કે એક્સરે પ્લેટ નાની પડતી
• ઓપરેશન થિયેટરમાં આગલા દિવસે દર્દીને બે કલાક ઓટી ટેબલ પર સુવાડી રખાયા જેથી ચેક થઈ શકે કે ઓપરેશન થિયેટરનું ટેબલ આટલા વજનથી તૂટી જાય નહીં તેની ચકાસણી કરાઈ
• એનેસ્થેસિયા આપ્યા બાદ 10 વ્યક્તિઓ દ્વારા ઊંચકીને ટેબલ પર ખસેડવામાં આવ્યા
• દર્દીના ઓપરેશન પહેલા તેનું વજન કરવા માટે સિવિલ હોસ્પિટલમાં તેનું વજન કરાવી શકાય તેવો વજન કાંટો પણ ન હતો
• 210 કિલો વજન ધરાવતા આ દર્દીના સાધનો હોસ્પિટલ પાસે ન હતા જે બહારથી મંગાવવાની ફરજ પડી
• દર્દી જ્યારે પણ સગા વાલા કે અન્ય કોઈના ઘરે જાય તો પોતાની ખુરશી સાથે લઈ જતા
• વજન વધુ હોવાથી તમામ રિક્ષાચાલકો લઈ જવા તૈયાર ન થતા

સિવિલમાં 210 કિલો વજનના વ્યક્તિનું ઓપરેશન કરવામાં આવ્યું હોય તેવો પ્રથમ કિસ્સો
ડોક્ટરો નું કહેવું છે કે અત્યાર સુધી સિવિલમાં વધુ માં વધુ 150 કિલો વજન ધરાવતા વ્યક્તિની સર્જરી કરવામાં આવી છે . આ પ્રથમ ઘટના બની છે કે 200 કિલો વજનની વ્યક્તિ નું સફળ સર્જરી થઈ છે. ખાનગી હોસ્પિટલમાં આ સર્જરી 10 લાખ ની થાય છે જ્યારે સિવિલમાં ૩૦ હજારનો ખર્ચ થયો છે. અગાઉ સિવિલમાં તૃપ્તિ બેનનું ઓપરેશન કરવામાં આવ્યું છે તેઓનું વજન 110 થી ઘટી 75 થયું છે.

વધારે વજન માટે શું જવાબદાર
ડોક્ટરો નું માનીએ તો ઓબીસીટી માટે જેનીટિક,જંક ફુડ, હોર્મોન્સ ડીસ ઓર્ડર જેવા કારણો જવાબદાર હોય છે. એવા લોકોને બીપી, ડાયાબિટીસ સહિતની બીમારીઓ થવાની શક્યતા વધી જાય છે જેથી વજન સતત વધે તો તેને નિયંત્રિત કરવું જોઇએ.