Astro Tips / દાન કરવું ખૂબ સારું પણ ખાસ પરિસ્થિતિમાં આ 5 વસ્તુઓનું ન કરવું જોઈએ દાન, જીવનમાં આવી જાય છે દુર્ભાગ્ય

• દાન કરવાથી ભગવાન પ્રસન્ન થાય છે
• કેટલીક વસ્તુઓનું દાન કરવાથી ઘરમાં દુર્ભાગ્ય અને કંગાળી આવે છે
• બિલ્કુલ પણ ના કરશો આ વસ્તુઓનું દાન

હિંદુ ધર્મમાં દાન કરવાનું વિશેષ મહત્ત્વ રહેલું છે. જે વ્યક્તિને ખરેખર જરૂર હોય તેવી વ્યક્તિને જ દાન કરવું જોઈએ, નહીંતર દાનનું કોઈ મહત્ત્વ રહેતુ નથી. દાન કરવાથી ભગવાન પ્રસન્ન થાય છે અને સુખ સમૃદ્ધિમાં વૃદ્ધિ થાય છે. શાસ્ત્રોમાં અનેક વસ્તુઓનો ઉલ્લેખ છે, જેનું દાન ના કરવું જોઈએ. આ વસ્તુઓનું દાન કરવાથી દુર્ભાગ્ય અને કંગાળી આવે છે. 

સાવરણી-
સાવરણીનું દાન ના કરવું જોઈએ. માનવામાં આવે છે કે, આ પ્રકારે કરવાથી લક્ષ્મી માતા નારાજ થાય છે અને ઘરમાંથી જતા રહે છે. જેના કારણે ઘરમાં બરકત આવતી નથી અને વ્યક્તિ પાઈ પાઈનો મોહતાજ થઈ જાય છે. 

લક્ષ્મી માતાની મૂર્તિ-
લક્ષ્મી માતાની મૂર્તિનું દાન ના કરવું જોઈએ. અનેક લોકો ચાંદીના સિક્કા પર અંકિત લક્ષ્મી ગણેશનું દાન કરે છે. આ પ્રકારે ના કરવું જોઈએ, જે લક્ષ્મી માતાને વિદાય આપી હોય તેવું ગણાય છે. જે સિક્કા પર લક્ષ્મી માતાની તસવીર ના હોય તે સિક્કાનું દાન કરી શકાય છે. 

નવા કપડાં-
જે લોકોની કુંડળીમાં ગુરુ સપ્તમ સ્થાન પર હોય તે લોકોએ નવા કપડાંનું દાન ના કરવું જોઈએ. આ પ્રકારે કરવાથી વ્યક્તિના સુખ પર અસર થાય છે. 

અન્ન દાન- 
અન્ન દાનથી મોટું કોઈ દાન નથી. આ પ્રકારે કરવાથી દેવી દેવતા પ્રસન્ન થાય છે. ઘરનું વધેલુ અને વાસી ભોજનનું દાન ના કરવું જોઈએ. આ પ્રકારે કરવાથી પાપમાં વૃદ્ધિ થાય છે અને ઘરમાં લક્ષ્મી વધુ સમય સુધી રહેતી નથી. 

ધાર્મિક પુસ્તકનું દાન
જે લોકોને ધર્મમાં રૂચિ ના હોય તે લોકોને ધાર્મિક પુસ્તકનું દાન ના કરવું જોઈએ. નાસ્તિક વ્યક્તિને ધાર્મિક પુસ્તકનું દાન કરવાથી તે વ્યક્તિ અપમાન સાથે તે પુસ્તક ગમે ત્યાં મુકી દેશે. જેના કારણે પાપમાં વધારો થવા લાગશે.