એશિયા કપ 2023 / ભારત પાકિસ્તાનની હાઈવૉલ્ટેજ મેચ પહેલા 'રેડ એલર્ટ', મહામુકાબલા પહેલા મંડરાઈ રહ્યું છે વિધ્ન, ચાહકોના શ્વાસ અધ્ધર

• ભારત-પાકિસ્તાનની મેચ પહેલા મુશ્કેલીમાં વધારો
• એશિયા કપ 2023ની આ મેચ શ્રીલંકાના કેંડીમાં આયોજિત
• કેંડીમાં આ તારીખો દરમિયાન વરસાદને લઈને રેડ એલર્ટ જારી

2 સપ્ટેમ્બરનાં રોજ ભારત અને પાકિસ્તાનની વચ્ચે એશિયા કપ 2023ની મેચ થવા જઈ રહી છે. 7 વખત ચેમ્પિયન બનેલી ટીમ ઈન્ડિયા અને 2 વખત ચેમ્પિયન બનેલી ટીમ પાકિસ્તાનની વચ્ચેની આ મેચ શ્રીલંકાનાં કેંડીમાં યોજાવા જઈ રહી છે. ફેન્સ આ મેચ માટે ઘણાં ઉત્સુક છે પરંતુ મેચ પહેલા જ મોટી મુશ્કેલી આવી ગઈ છે. અને એ મુશ્કેલી છે કેંડીનું વાતાવરણ! આવનારાં 2 દિવસોમાં ત્યાંનાં વાતાવરણમાં ફેરફારો થવાની સંભાવના છે.

A red alert has been issued for Kandy district with the chance of showers greater than 100mm throughout the next 24 hours. #SLvBAN #AsiaCup2023 pic.twitter.com/kRkjhA59WC

— 🏏Flashscore Cricket Commentators (@FlashCric) August 31, 2023

ભારત vs પાકિસ્તાનની ટક્કર ઘણી મહત્વની
મુલ્તાનમાં પાકિસ્તાન અને નેપાળની વચ્ચેની પહેલી મેચ સાથે એશિયા કપ 2023ની શરૂઆત થઈ. ટૂર્નામેન્ટની ઘણી મોટી મેચો શ્રીલંકામાં જ થવાની છે જેમાં ભારત vs પાકિસ્તાનની ટક્કર ઘણી મહત્વની છે. શ્રીલંકાની વચ્ચે આવેલ શહેર કેંડીમાં શનિવાર 2 સપ્ટેમ્બરનાં રોજ આ મેચ યોજાશે. આ મેચ પહેલા ગુરુવાર 31 ઑગસ્ટથી કેંડીમાં સાંજે 4 વાગ્યાથી વરસાદ શરૂ થઈ ગયો છે. જેના કારણે શ્રીલંકા-બાંગ્લાદેશની મેચ પ્રભાવિત થઈ રહી છે. શક્ય છે કે શુક્રવાર સુધી વાતાવરણ વધુ ખરાબ થાય.

કેંડીમાં રેટ એલર્ટ
શ્રીલંકામાં હવામાન વિભાગે ભારત અને પાકિસ્તાનની ટીમો અને કરોડો ફેંસને નિરાશ કરનારી માહિતી આપી છે. જે અનુસાર મધ્ય શ્રીલંકાથી લઈને દક્ષિણી ભાગ સુધી આવનારા 24 કલાક માટે રેટ એલર્ટ જારી કરવામાં આવ્યું છે. રેડ એલર્ટ અનુસાર 24 કલાકમાં આ વિસ્તારોમાં આશરે 100 મિલીમીટર સુધી વરસાદ વરસી શકે છે અને તેમાં સમગ્ર કેંડી વિસ્તાર સમાવિષ્ટ છે. રેટ એલર્ટ શુક્રવારે 1 સપ્ટેમ્બરનાં બપોરે 1 વાગ્યા સુધી છે પરંતુ તે બાદ પણ વરસાદ આવે તેવી આશંકા છે.

2 સપ્ટેમ્બરનાં પણ પડશે વરસાદ
2 સપ્ટેમ્બર એટલે કે મેચનાં દિવસે હવામાન વિભાગની આગાહી અનુસાર સાંજે 5 વાગ્યાથી સતત વરસાદ વરસતો રહેશે જે ધીરે-ધીરે તેજ થશે. મેચ ભારતીય સમયાનુસાર બપોરે 3 વાગ્યાથી શરૂ થઈ શકે છે. તેવામાં જો મેચ દરમિયાન વરસાદ પડ્યો તો મેચ સ્થગિત થઈ શકે છે.