IND vs NEP / નેપાળ સામેની મેચમાં કોણ લેશે બુમરાહનું સ્થાન? આ 2 ખેલાડીઓમાંથી એકને મળશે તક

• આજે ટીમ ઈન્ડિયા એશિયા કપ 2023 ની 5મી મેચમાં નેપાળ સામે ટકરાશે
• મેચ પહેલા  ચાહકોની નજર ટીમ ઈન્ડિયાની પ્લેઈંગ ઈલેવન પર
• આ મેચમાં જસપ્રીત બુમરાહનું સ્થાન કોણ લેશે?

Asia Cup 2023 IND vs NEP: રોહિત શર્માની આગેવાની હેઠળની ભારતીય ક્રિકેટ ટીમ એશિયા કપ 2023 ની 5મી મેચમાં આજે એટલે કે સોમવાર, 4 સપ્ટેમ્બરે નેપાળ સામે ટકરાશે.આ મેચમાં મોટી જીત નોંધાવીને ટીમ ઈન્ડિયાની નજર સુપર-4 માટે ક્વોલિફાઈ થવા પર હશે. પાકિસ્તાન સામેની મેચ રદ્દ થવાને કારણે ટીમ ઈન્ડિયા જીતનું ખાતું ખોલાવી શકી નથી પરંતુ તેમના ખાતામાં 1 પોઈન્ટ ચોક્કસપણે છે.

A crucial match ahead for both teams tomorrow!

India vs. Nepal at Pallekele Stadium. 🏏🇮🇳🇳🇵 #AsiaCup2023 #INDvNEP #NEPvIND #AsiaCup pic.twitter.com/X68DdTD89A

— ICC Asia Cricket (@ICCAsiaCricket) September 3, 2023

ચાહકોની નજર ટીમ ઈન્ડિયાની પ્લેઈંગ ઈલેવન પર
ભારત અને નેપાળ મેચમાં પણ વરસાદની સંભાવના વધારે છે. જો આ મેચમાં પણ વરસાદ પડે તો ભારત સુપર-4 માટે ક્વોલિફાય થઈ જશે. જોકે, રોહિત શર્મા અને બ્રિગેડ આ ઈચ્છશે નહીં. પાકિસ્તાન સામે ભારતની બેટિંગની કસોટી થઈ હતી, પરંતુ બોલિંગની કસોટી હજુ બાકી છે. આવી સ્થિતિમાં ભારત યોગ્ય તૈયારી વિના સુપર-4 સુધી પહોંચવા માંગશે નહીં. એવામાં હવે ચાહકોની નજર પણ નેપાળ સામેની મેચમાં ટીમ ઈન્ડિયાની પ્લેઈંગ ઈલેવન પર રહેશે.

જસપ્રીત બુમરાહનું સ્થાન કોણ લેશે?
જસપ્રિત બુમરાહ જે પોતાના પ્રથમ બાળકના જન્મ માટે  ઘરે પરત ફર્યો છે, તે નેપાળ સામેની આજની મેચમાં ગેરહાજર રહેશે. આવી સ્થિતિમાં ભારતીય પ્લેઈંગ ઈલેવનમાં ઓછામાં ઓછો એક ફેરફાર થવાનો છે. બુમરાહની ગેરહાજરીમાં મોહમ્મદ શમી અથવા પ્રસિદ્ધ કૃષ્ણાને તક મળી શકે છે. આ રેસમાં હાલમાં અનુભવી શમી કૃષ્ણા કરતાં આગળ દેખાઈ રહ્યો છે. શમીએ ભારત માટે છેલ્લી વનડે માર્ચ 2023માં રમી હતી. તેણે ભારત માટે અત્યાર સુધીમાં 162 વિકેટ ઝડપી છે. શમી આગામી વર્લ્ડ કપ 2023માં પણ ભારતીય ટીમનો ભાગ હશે, તેથી આ તક તેના માટે મહત્વપૂર્ણ સાબિત થઈ શકે છે.

The middle overs in ODI is where games are made. Shreyas Iyer will look to manipulate the field in the middle overs, while Nepalese ace spinner, Sandeep Lamichhane will look to get as many wickets as he can! #AsiaCup2023 #INDvsNEP pic.twitter.com/aEiNR4pFJh

— AsianCricketCouncil (@ACCMedia1) September 4, 2023

આ સિવાય જો કોઈ ખેલાડી ઈજાગ્રસ્ત ન થાય તો ટીમ ઈન્ડિયામાં અન્ય ફેરફારોની શક્યતા ઘણી ઓછી છે. પાકિસ્તાન સામેની છેલ્લી મેચમાં ભારત 5 નિષ્ણાત બેટ્સમેન અને ત્રણ નિષ્ણાત બોલરો સાથે મેદાનમાં ઉતર્યું હતું.ઓલરાઉન્ડર તરીકે હાર્દિક પંડ્યા અને રવિન્દ્ર જાડેજા ઉપરાંત શાર્દુલ ઠાકુર પણ ટીમમાં હતો. ભારત નેપાળ સામે પણ આ જ રણનીતિ અપનાવી શકે છે.

આવી હોય શકે છે ટીમ ઈન્ડિયાની પ્લેઇંગ ઇલેવન 
રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, ઈશાન કિશન (વિકેટકીપર), હાર્દિક પંડ્યા, રવિન્દ્ર જાડેજા, શાર્દુલ ઠાકુર, કુલદીપ યાદવ, મોહમ્મદ શમી, મોહમ્મદ સિરાજ