અપડેટ / અશ્લીલ ફોટા-વીડિયો ઉતાર્યાં, પત્નીને બીજા પાસે સુવડાવતો, મહિલા નેતા મર્ડર કેસમાં પતિના હરામીવેડા

• લઘુમતી મોરચાના આગેવાન સના ખાનની હત્યાનો મામલો
•  આરોપી અમિત શાહુએ સના ખાનને ધોકા વડે  માર મારી કરી હતી હત્યા
• પોલીસના અનેક પ્રયાસો છતાં હજુ સુધી નથી મળ્યો મૃતદેહ

નાગપુર લઘુમતી મોરચાના આગેવાન સના ખાનની 2 ઓગસ્ટના રોજ જબલપુરમાં હત્યા કરી દેવામાં આવી હતી. આ પ્રકરણમાં સંડોવાયેલ તેના પતિ અમિત શાહુ અને સાગરીત રાજેશ સિંહને પોલીસે દબોચી લીધા હતા. આ મામલે જાણવા મળી રહ્યું છે કે આરોપી અમિત શાહુએ બિલહારી ફ્લેટમાં સના ખાનને ધોકા વડે બેફામ માર મારી મોતને ઘાટ ઉતારી દીધી હતી. ત્યારબાદ તેના મૃતદેહને હિરણ નદીમાં ફેંકી દીધો હતો. પોલીસ દ્વારા અનેક પ્રયાસો કરવા છતાં હજુ સુધી મૃતદેહ મળ્યો નથી. વધુમાં આરોપીની પૂછપરછમાં હચમચાવી નાખે તેવા ખુલાસા થયા છે.

મૃતક સનાની માતાએ પોલીસ ફરિયાદમાં લગાવ્યા આરોપ

મૃતક સનાની માતાએ પોલીસ ફરિયાદમાં આરોપ લગાવ્યા કે આરોપી અમિત શાહુએ ભાજપ નેતા સના ખાનનો અશ્લીલ વીડિયો અને ફોટોગ્રાફ્સ પાડી લીધા હતા. ત્યારબાદ પૈસાની ઉઘરાણી કરી અને બ્લેકમેલ કરતો હોવાનું પણ બહાર આવ્યું છે. એટલું જ નહીં મૃતક સનાની માતાએ પોલીસ ફરિયાદમાં એવું પણ જણાવ્યું કે આરોપી પતિએ સના ખાન સાથે અન્ય શખ્સોને સુવડાવી વીડિયો બનાવ્યા હોવાનો પણ ખુલાસો થયો છે.

આરોપી અમિત ચલાવે છે હનીટ્રેપ ગેંગ!
મુખ્ય આરોપી અમિત હનીટ્રેપ ગેંગ ચલાવતો હોવાના પણ અમુક પુરાવા સામે આવ્યા છે. આ ગેંગ દ્વારા જબલપુર અને નાગપુરમાં ઘણા પ્રતિષ્ઠિત લોકોને છેતરી અને ગેરકાયદે ઉઘરાણા કરવામાં આવી રહ્યા છે.જેમાં અનેક લોકો સંડોવાયેલ હોવાની શંકાના આધારે પોલીસ દ્વારા આ દિશામાં કાર્યવાહી હાથ ધરવામાં આવી છે. બીજી બાજુ મહારાષ્ટ્ર પોલીસની તપાસ દરમિયાન પણ આ આરોપને સમર્થન મળી રહ્યું છે.

હાલ નાગપુર પોલીસે બીજેપી નેતા સના ખાનની હત્યા પ્રકરણમાં આરોપી અમિત શાહુ અને તેના સાથીદારોને કસુરવાર ગણી તેની વિરુદ્ધ ગેરકાયદે ખંડણી, કાવતરું અને IT એક્ટ મુજબ  બીજી FIR નોંધી કાર્યવાહી આગળ ધપાવી છે.