BIG NEWS / પદ્મ પુરસ્કારનું એલાન: નાયડુ સહિત 5ને પદ્મ વિભૂષણ, મિથુન દા ઉપરાંત 17ને પદ્મભૂષણ, 5 ગુજરાતી સહિત 110ને પદ્મ શ્રીનું સન્માન

• પાંચ હસ્તીઓને પદ્મ વિભૂષણ અપાશે
• 17ને પદ્મ ભૂષણ અને 110ને પદ્મશ્રી આપવાની જાહેરાત કરાઈ
• અભિનેતા મિથુન ચક્રવર્તીને પદ્મ ભૂષણ અપાશે

ગણતંત્ર દિવસની પૂર્વ સંધ્યાએ કેન્દ્ર સરકારે પદ્મ પુરસ્કારોની જાહેરાત કરી છે. આ વર્ષે પાંચ હસ્તીઓને પદ્મ વિભૂષણ, 17ને પદ્મ ભૂષણ અને 110ને પદ્મશ્રી આપવાની જાહેરાત કરવામાં આવી છે. કુલ 132 હસ્તીઓને પદ્મ પુરસ્કાર એનાયત કરવામાં આવશે. પૂર્વ ઉપરાષ્ટ્રપતિ એમ વેંકૈયા નાયડુ અને અભિનેતા ચિરંજીવીને પદ્મ વિભૂષણ આપવાની જાહેરાત કરવામાં આવી છે. અભિનેતા મિથુન ચક્રવર્તીને પદ્મ ભૂષણ આપવાની જાહેરાત કરવામાં આવી છે. 

પદ્મ પુરસ્કારનું સંપૂર્ણ લિસ્ટ જોવા અહીં ક્લિક કરો

પાંચ વ્યક્તિઓને પદ્મ વિભૂષણથી સન્માનિત કરાશે
કેન્દ્ર સરકાર દ્વારા પાંચ વ્યક્તિઓને પદ્મ વિભૂષણથી સન્માનિત કરવાની જાહેરાત કરવામાં આવી છે. જેમાં ભૂતપૂર્વ ઉપરાષ્ટ્રપતિ વેંકૈયા નાયડુ ઉપરાંત ફિલ્મ અભિનેત્રી વૈજયંતિમાલા, પદ્મા સુબ્રમણ્યમ, ચિરંજીવી અને બિંદેશ્વર પાઠકને મરણોત્તર પણ આપવાની જાહેરાત કરાઈ છે.

પાંચ હસ્તીઓને પદ્મ વિભૂષણ

17 હસ્તીઓને પદ્મ ભૂષણ

આ પદ્મ પુરસ્કારમાં 6 ગુજરાતીઓના નામનો સમાવશે  

 

પદ્મ ભૂષણ
1 તેજસ મધુસુદન પટેલ મેડિસિન ગુજરાત
પદ્મ શ્રી
1.રઘુવીર ચૌધરી, સાહિત્ય અને શિક્ષણ
2.યઝદી માણેકશા ઇટાલિયા મેડિસિન
3.હરીશ નાયક (મરણોત્તર) સાહિત્ય અને શિક્ષણ
4.દયાળ માવજીભાઈ પરમાર,મેડિસિન
5.જગદીશ લાભશંકર ત્રિવેદી, આર્ટ