અકસ્માત / મોડાસા રોડ પર આઈસર અને કાર વચ્ચે અકસ્માત, રણુજાથી પરત ફરી રહેલા 4 મિત્રોને કાળ ભરખી ગયો, એકને સારવાર અર્થે ખસેડાયો

• કપડવંજ હાઈવે પર અકસ્માતની ઘટના 
• આઇસર અને કાર વચ્ચે સર્જાયો અકસ્માત  
• ચાર હોમગાર્ડ મિત્રોના કમકમાટી ભર્યા મોત

ખેડા જિલ્લાના કપડવંજ મોડાસા રોડ પર ગમખ્વાર અકસ્માતની ઘટના સામે આવી જેમાં ચાર હોમગાર્ડ મિત્રોના કમકમાટી ભર્યો મોત નિપજ્યા હતા. વહેલી સવારે આઈસર અને કાર વચ્ચે અકસ્માત સર્જતા હોમગાર્ડમાં ફરજ બચાવતા ચાર મિત્રોના કરુણ મોત નિપજ્યા છે. મહત્વનું છે કે આ હોમગાર્ડ મિત્રો રણુજાથી દર્શન કરીને પરત ફરી રહ્યા આઈસરે કારને અડફેટે લેતા ચાર મિત્રોના ઘટના સ્થળે જ મોત નિપજ્યા હતા. જ્યારે એક મિત્રને સારવાર અર્થે ખસેડવામાં આવ્યો હતો. 

આઇસર અને કાર વચ્ચે સર્જાયો અકસ્માત  

અકસ્માતને પગલે રોડ પર ટ્રાફિકજામના દ્રશ્યો સર્જાયા હતા તો ઘટના અંગે પોલીસને જાણ કરાતા કપડવંજ ગ્રામ્ય પોલીસે અકસ્માતનો ગુનો નોંધી આગળની કાર્યવાહી હાથ ધરી છે. પોસીસે સમગ્ર મામલે જણાવ્યું છે કે પૂરપાટ ઝડપે આવી રહેલી આઈસરે કાર ચાલકે સાથે અકસ્માત સર્જોય બાદમાં આઈસર ચાલક ફરાર થઈ ગયો છે જેને શોધવા માટે પોલીસે તજવીજ હાથ ધરી છે. 

ચાર હોમગાર્ડ મિત્રોના કમકમાટી ભર્યા મોત

જો કે અકસ્માત બાદ કારના આગળના ભાગના ફુરચેફુરચા ઉડી ગયા હતા, આ ઘટનાની જાણ મૃતિકોના પરિવારજનોને કરાતા પરિવારમાં મોત આભ તૂટી પડ્યું હતું અને પરિવારમાં મોતનો માતમ છવાઈ ગયો છે. સ્થાનિકોએ જણાવ્યું કે કારમાં સવાર 5 હોમગાર્ડ મિત્રોમાંથી 4 લોકોના ઘટના સ્થળે જ મોત નિપજ્યા છે જ્યારે એક મિત્રને ગંભીર ઈજા થતા સારવાર અર્થે ખસેડાયો હતો સ્થાનિકોના મતે બંન્ને વાહનો એટલી સ્પીડમાં હતાં કે ઓવરટેકની લાયમાં અકસ્માત સર્જાયો હોવાનું જણાવ્યું છે.