તમારા કામનું / IT રિટર્ન ભરવું છે? આયકર વિભાગની આ App છે ખૂબ કામની, ફટાફટ થઈ જશે કામ, થશે ફાયદા જ ફાયદા

• કરદાતાઓની સુવિધા માટે એપ્લિકેશન લોન્ચ
• ટ્રાન્ઝેક્શનની તમામ માહિતી જોઈ શકાશે
• રોકાણ પર મળતા વ્યાજની જાણકારી પણ મેળવી શકાશે

આવકવેરા વિભાગે કરદાતાઓની સુવિધા માટે AIS નામની એક એપ્લિકેશન લોન્ચ કરી છે. આ એપ્લિકેશનની મદદથી ઈન્કમ ટેક્સ રિટર્ન ફાઈલ કરી શકાશે, ઉપરાંત અલગ અલગ લાભ પણ મેળવી શકાશે. વર્ષ 2022માં આ એપ્લિકેશન લોન્ચ કરવામાં આવી હતી. આ એપ્લિકેશન પર તમે ટ્રાન્ઝેક્શનની તમામ માહિતી જોઈ શકશો. તમે તમારી આવકથી લઈને સેવિંગ્સ અથવા રોકાણ પર મળતા વ્યાજની જાણકારી પણ આ એપ્લિકેશન પર જોઈ શકશો. આવો વિગતવાર આ એપ્લિકેશન વિશે જાણીએ. 

એન્યુએલ ઈન્ફોર્મેશન સ્ટેટમેન્ટ (Annual Information Statement, AIS)ની મદદથી નાણાંકીય વર્ષના ટ્રાન્ઝેક્શનની તમામ જાણકારી મળે છે. આ એપ્લિકેશન પર સરળતાથી ટેક્સ ફાઈલ કરી શકાય છે. ઉપરાંત વ્યાજદર, મ્યુચ્યુઅલ ફંડ, ડિવિડન્ડ, TDS, સિક્યોરિટી ટ્રાન્ઝેક્શન સહિત 46 પ્રકારના ટ્રાન્ઝેક્શનની જાણકારી મળે છે. 

આવકની માહિતી
AIS એપ્લિકેશન પર તમામ ટ્રાન્ઝેક્શનની જાણકારી મળે છે. જેમાં સેવિંગ્સ એકાઉન્ટ પર મળતા વ્યાજ, રિકરિંગ અથવા ફિક્સ્ડ ડિપોઝીટ, મ્યુચ્યુઅલ ફંડ અથવા અન્ય યોજનાઓમાં રોકાણ કરવાથી જે લાભ મળે છે, તે તમામ જાણકારી હોય છે. નાણાંકીય વર્ષમાં કેટલું રોકાણ કર્યું છે, તે સરળતાથી જાણી શકાય છે. 

AIS એપ્લિકેશન ડાઉનલોડ કેવી રીતે કરવી?

• સૌથી પહેલા ગૂગલ પ્લેસ્ટોર ઓપન કરો. 
• સર્ચ ઓપ્શનમાં જઈને AIS ફોર ટેક્સપેયર્સ ટાઈપ કરો. 
• હવે આ એપ્લિકેશન ઈન્સ્ટોલ કરો અને પાન કાર્ડ ડિટેઈલ ફાઈલ કરો. 
• જે પણ એક્સેસ માંગવામાં આવે તેને અલાઉ કરો. 
• હવે તમે સરળતાથી આ એપ્લિકેશનનો ઉપયોગ કરી શકો છો અને ઈન્કમટેક્સ રિટર્ન ફાઈલ કરી શકો છો.