ચોંકાવનારું રિસર્ચ / વાયુ પ્રદૂષણને હળવાશમાં ન લેતા, તમને કરી શકે છે દિવ્યાંગ, સમય પહેલાં મોતનું પણ સંકટ, જુઓ કઇરીતે

• વાયુ પ્રદૂષણ સ્વાસ્થ્ય માટે ઘણી રીતે હાનિકારક છે
• વાયુ પ્રદૂષણના જોખમો વિશે જાગૃત રહેવાની જરૂર
• 2019 માં 3.5 મિલિયન લોકો મૃત્યુ પામ્યા 

Air pollution is increasing the risk of early death and disability: વાયુ પ્રદૂષણ સ્વાસ્થ્ય માટે ઘણી રીતે હાનિકારક છે. માત્ર ફેફસાંને જ નહીં પરંતુ હૃદય અને કિડની સહિત શરીરના અન્ય ભાગોને પણ અસર કરે છે. તાજેતરના સંશોધન મુજબ વાયુ પ્રદૂષણ વૈશ્વિક સ્તરે વહેલા મૃત્યુ તેમજ અપંગતાના જોખમને વધારી રહ્યું છે. 

2019 માં 3.5 મિલિયન લોકો મૃત્યુ પામ્યા 
વાત એમ છે કે અમેરિકન હાર્ટ એસોસિએશનના જર્નલમાં પ્રકાશિત સંશોધન મુજબ 1990 થી 2019 સુધીના 204 દેશોમાંથી ડેટા કાઢવામાં આવ્યો હતો જેના પછી હવાના પ્રદૂષણથી મૃત્યુઆંકનો અંદાજ લગાવવામાં આવ્યો હતો. સાથે જ સંશોધકોના મતે વાયુ પ્રદૂષણ લાંબા સમયથી લોકોના સ્વાસ્થ્યને અસર કરી રહ્યું છે. વર્ષ 1990માં પ્રદૂષણને કારણે મૃત્યુ પામનાર લોકોની સંખ્યા 2.5 મિલિયન હતી, જ્યારે વર્ષ 2019 સુધીમાં તે 3.5 મિલિયન સુધી પહોંચી ગઈ હતી. એટલું જ નહીં આ પછી પણ મૃત્યુઆંક 31 ટકા વધ્યો છે.  PM2.5 અને NO2 ના સંપર્કમાં આવવાથી ફેફસાં સિવાય લોકોમાં કેન્સરનું જોખમ વધે છે. 

વાયુ પ્રદૂષણના જોખમો વિશે જાગૃત રહેવાની જરૂર
ગ્લોબલ બર્ડન ઑફ ડિસીઝની સ્ટડી મુજબ વાયુ પ્રદૂષણથી હૃદયરોગ અને તેની સંબંધિત ક્રોનિક રોગોનું જોખમ વધે છે. આરોગ્ય નિષ્ણાતો કહે છે કે દરેક વ્યક્તિએ વાયુ પ્રદૂષણના જોખમો વિશે જાગૃત રહેવાની જરૂર છે, જે ગંભીર આરોગ્ય સમસ્યાઓ તરફ દોરી શકે છે અને વૈશ્વિક ખતરો છે. અહેવાલમાં આરોગ્ય નિષ્ણાતોએ જણાવ્યું હતું કે જે રીતે વૈશ્વિક સ્તરે વાયુ પ્રદૂષણના સંપર્કમાં જોવામાં આવે છે, તેનાથી મોટી સંખ્યામાં લોકોમાં કાર્ડિયોવેસ્ક્યુલર રોગોને કારણે અપંગતા અને અકાળ મૃત્યુના જોખમમાં વધારો થયો છે.

વાયુ પ્રદૂષણને કારણે થતા અન્ય નુકસાન 
વાયુ પ્રદૂષણ માત્ર હૃદય અને કિડનીને જ અસર કરતું નથી પરંતુ તે અસ્થમા, અન્ય શ્વસન સમસ્યાઓ અને પલ્મોનરી રોગોનું કારણ બની શકે છે. બ્રોન્કાઇટિસ, સ્ટ્રોક અને કેન્સરનું પણ જોખમ રહેલું છે. વાયુ પ્રદૂષણના સંપર્કમાં આવવાથી ફેફસાના કેન્સરનું જોખમ પણ વધે છે. જ્યારે આ સ્થિતિ થાય છે, ત્યારે શ્વાસ લેવામાં તકલીફ, આંખોમાં બળતરા અને નાક બંધ થવાની સમસ્યા પણ થાય છે. સ્વાસ્થ્ય નિષ્ણાતોના મતે વાયુ પ્રદૂષણને કારણે નેફ્રોપથી નામની બીમારી પણ થઈ શકે છે. આ રોગને કારણે કિડની પર ઘણી અસર થાય છે. એટલું જ નહીં, પ્રદૂષણ તમને માનસિક રીતે પણ અસર કરી શકે છે. આવી સ્થિતિમાં મગજમાં હાજર કણ પર પણ અસર થઈ શકે છે.