નિવેદન / 15 દિવસના સ્વૈચ્છિક લૉકડાઉનની જરૂર, આટલા દિવસમાં ધંધા-રોજગારી બંધ નહીં થઈ જાય : હોસ્પિ.અને નર્સિંગ હોમ સેક્રેટરી

Gayatri

Last Updated: 03:24 PM, 15 April 2021

FOLLOW ON

શેર કરો

અમદાવાદ હોસ્પિટલ એન્ડ નર્સિંગ હોમના સેક્રેટરી નું મહત્વનું નિવેદન સામે આવ્યુ છે.

હોસ્પિટલમાં કોરોનાની ખાલી પથારીઓ ખૂબ ઓછી: વિરેન શાહ
"સંક્રમણ અટકાવવા માટે લોકો સ્વયં લોકડાઉનનું પાલન કરે"
10-15 દિવસમાં ઉદ્યોગ-ધંધા બંધ નહીં થઈ જાય

ગુજરાતમાં કોરોનાનું સંક્રમણ ખૂબ વધી રહ્યુ છે રોજના કેસ અને મોતના આંકડા જોઈએ તો તે જોઈને ખરેખર ચિંતાજનક સ્થિતિ હોવાનો ચિતાર મળી રહ્યો છે ત્યારે અમદાવાદ નર્સિંગહોમના સેક્રેટરીનું લોકડાઉન અંગે મોટુ નિવેદન સામે આવ્યુ હતુ.

અમદાવાદ હોસ્પિટલ એન્ડ નર્સિંગ હોમના સેક્રેટરી નું મહત્વનું નિવેદન સામે આવ્યુ છે. સેક્રેટરી વીરેન શાહે સ્વૈચ્છીક લોકડાઉનની અપીલ કરી છે. કોરોના સંક્રમણ વધતા 15 દિવસના સ્વૈચ્છીક લોકડાઉનની જરૂર છે. હોસ્પિટલમાં કોરોનાની ખાલી પથારીઓ ખૂબ ઓછી છે. સંક્રમણ અટકાવવા માટે લોકો સ્વયં લોકડાઉન નું પાલન કરે તો સારૂ.

"કોરોના સંક્રમણ વધતા 15 દિવસના સ્વૈચ્છિક લોકડાઉનની જરૂર"

વીરેન શાહે વધુમાં જણાવ્યુ હતુ કે, જીવનજરૂરીયા વસ્તુઓ લેવા રોજે રોજ બહાર જવા કરતા 3 કે 4 દિવસે બહાર નીકળો. કારણ વગર ઘરની બહાર ન નીકળો. ધાર્મિક અને રાજકીય આયોજનો ટાળવામાં આવે છે. 10-15 દિવસમાં ઉદ્યોગ-ધંધા બંધ નહીં થઈ જાય. જે લોકોને અત્યંત જરૂર હોય એજ લોકો બહાર નીકળે. ઓક્સિજન ની ઉણપ અને જરૂરિયાત વાળા લોકોને બેડ નથી મળતા.

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 7,410 કેસ નોંધાયા છે અને 2642 દર્દીઓ સાજા થયાં છે. આ સાથે જ અત્યાર સુધીમાં 32,3371 દર્દીઓ કોરોના મુક્ત થયાં છે.

છેલ્લા 24 કલાકમાં 73 દર્દીઓના મોતથી ખળભળાટ

ઉલ્લેખનીય છે કે, છેલ્લા 24 કલાકમાં રાજ્યમાં 73 લોકોના સારવાર દરમિયાન મોત થયાં છે.આમ ગુજરાતમાં અત્યાર સુધીમાં 4995 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ચિંતાજનક ઉછાળો નોંધાયો છે તો સાથોસાથ મૃત્યુનો આંકડો પણ દિવસેને દિવસે વધી રહ્યો છે. રાજ્યમાં હાલ 254 લોકો વેન્ટિલેટર પર છે. એક્ટિવ કેસનો આંકડો 39,250 પર પહોંચ્યો છે.

સુરત અને અમદાવાદમાં કોરોના બેકાબૂ

ગુજરાતમાં રસીકરણની કામગીરી ચાલુ હોવા છતાં બીજી તરફ પરિસ્થિતિ બેફામ છે. કોરોનાના કેસમાં સતત વધારો થતા ચિંતા વધી છે. અમદાવાદ શહેરમાં રાજ્યના સૌથી વધુ 2491 કેસ તો અમદાવાદ ગ્રામ્યમાં 35 કેસ નોંધાયા છે. જ્યારે સુરત શહેરમાં 1424 નવા કેસ, જ્યારે સુરત ગ્રામ્યમાં 231 કેસ નોંધાયા છે. વડોદરા શહેરમાં 317 કેસ, જ્યારે ગ્રામ્યમાં 135 કેસ નોંધાયા. રાજકોટ શહેરમાં 551 કેસ અને ગ્રામ્યમાં 102 કેસ નોંધાયા છે. ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...