- અંકલેશ્વર બેઠક પર ભાઈ ભાઈ વચ્ચે જામશે જંગ
- ભરૂચમાં મુસ્લિમ મતદારોની સંખ્યા 38 ટકા છે
- અંકલેશ્વરમાં ભાઈ ભાઈ વચ્ચે જામશે જંગ
કોંગ્રેસના વરિષ્ઠ નેતા અહેમદ પટેલના અવસાનના બે વર્ષ પછી પણ ગુજરાતમાં વિધાનસભા ચૂંટણીમાં તેમના વતનના જિલ્લા ભરૂચમાં તેમનું નામ હજુ પણ પક્ષ માટે આશાનું કિરણ છે. જ્યાં આમ આદમી પાર્ટી ભાજપને મુખ્ય હરિફ માની રહી છે ત્યારે ભરૂચમાં કોંગ્રેસની લોકો ચાહના વધુ હોય તેવી લાગી રહી છે. પરંતુ ગુજરાતની ચૂંટણીમાં વિજય હાસંલ કરવા માટે વડાપ્રધાન પોતે જ પ્રચારની કમાન સંભાળી છે.
પીરામણના લોકોએ શુ કહ્યું?
કોંગ્રેસના દિવંગત નેતાના મૂળ ગામ પીરામણમાં ભંગારના વેપારી કાશિફ મલિકે જણાવ્યું હતું કે, આજે તમે ભરૂચમાં જે પણ વિકાસ જુઓ છો તે અહમદ પટેલના પ્રયાસોનું પરિણામ છે, અહેમદભાઈ એટલ મોટું વ્યક્તિત્વ તેમને કોઈ ક્યારેય ભૂલી શકે તેમ નથી તે અહીં બધાનું ધ્યાન રાખતા હતા.
ભાઈ ભાઈ વચ્ચે જામશે જંગ
પીરામણ ગામના અન્ય રહેવાસી સરફરાઝે કહ્યું કે, પીરામણમાં કોંગ્રેસ સિવાય અન્ય કોઈ પાર્ટીને કોઈ વોટ નહીં આપે. કોંગ્રેસના વરિષ્ઠ નેતા અહમદ પટેલનું 25 નવેમ્બર 2020ના રોજ અવસાન થયું હતું. પિરામણ ગામ અંકલેશ્વર વિધાનસભા સીટ હેઠળ આવે છે જે 22 વર્ષથી ભાજપના કબજામાં છે. આ બેઠક પર બે ભાઈઓ વચ્ચે જંગ જામવાની છે. ભાજપે આ બેઠક પરથી વર્તમાન ધારાસભ્ય ઈશ્વરસિંહ પટેલને મેદાનમાં ઉતાર્યા છે, જ્યારે કોંગ્રેસે ઈશ્વરસિંહના મોટા ભાઈ વિજયસિંહને તેમની સામે મેદાનમાં ઉતાર્યા છે.
AAP બનશે કોંગ્રેસ માટે આફત!
જો કે આમ આદમી પાર્ટીના મેદાનમાં આ વખતે ઉતરવાથી ત્રિકોણીય જંગ જામશે. અંકલેશ્વર બેઠક પર સૌથી વધુ મતદારો પટેલ સમુદાય અને મુસ્લિમ મતદારોના છે જેઓના લગભગ 30 ટકા છે. સ્થાનિક લોકોને લાગે છે કે આમ આદમી પાર્ટી કોંગ્રેસના મતોમાં ભાગલા પાડી શકે છે ખાસ કરીને લઘુમતી સમુદાયના મતો AAPને જઈ શકે છે.
ભરૂચમાં આ સમુદાયના મતદારો વધુ છે
પીરામણ ગામ ભરૂચ વિધાનસભા મતવિસ્તારમાં આવેલું છે, જેમાં અન્ય પછાત વર્ગ (ઓબીસી) મતદારો સૌથી વધું છે. ભરૂચ વિધાનસભા ક્ષેત્રમાં મુસ્લિમ મતદારોની સંખ્યા 38 ટકા જેટલી છે. ભરૂચ જિલ્લો ગુજરાતના સૌથી મોટા ઔદ્યોગિક વિસ્તારોમાંનો એક છે તેથી આ વિધાનસભા બેઠક પર મોટી સંખ્યામાં સ્થળાંતરિત અને શહેરી મતદારો છે.
આ વખતે કોના પર ભરોસો મુકશે જનતા
ભરૂચ વિધાનસભા ક્ષેત્રના મૌસમ શેખે કોંગ્રેસના દિવંગત નેતા અહેમદ પટેલ અને તેમના યોગદાનને યાદ કર્યો હતાં તેમણે એમ કહ્યું કે, અહીં ઘણા લોકો આ વખતે આમ આદમી પાર્ટીને વોટ આપવાનું વિચારી રહ્યા છે. તેમણે કહ્યું કે, લોકો પરિવર્તન ઈચ્છે છે ચાલો જોઈએ કે પવન કઈ દિશામાં ફૂંકાય છે. તમને જણાવી દઈએ કે, ભરૂચ વિધાનસભા બેઠક 1995થી ભાજપ પાસે છે અને પાર્ટી તેને જાળવી રાખવાનો વિશ્વાસ ધરાવે છે. કોંગ્રેસ આ બેઠક જીતવા પ્રયાસ કરી રહી છે.
