દશેરાની ઉજવણી / નવરાત્રી બાદ હવે દશેરાની તૈયારીઓ શરૂ, અમદાવાદમાં 35 વર્ષથી રાવણ બનાવતા પરિવારને 70 ફૂટ સુધીના પૂતળાનો મળ્યો ઓર્ડર

• અમદાવાદમાં દશેરા પર્વની ઉજવણીની તૈયારીઓ શરૂ
• ગુજરાતમાં અનેક સ્થળોએ દશેરાની થશે ઉજવણી
• અમદાવાદમાં રાવણના પૂતળા બનાવવાની કામગીરી 
• રામોલમાં એક પરિવાર ૩૫ વર્ષથી બનાવી રહ્યો છે રાવણના પૂતળા 
• અમદાવાદમાં 8 સ્થળો પર રાવણ દહન માટે પૂતળાના મળ્યા ઓર્ડર 
• મહારાષ્ટ્ર અને કર્ણાટકથી પણ રાવણના પૂતળા માટે મળ્યા છે ઓર્ડર

ગુજરાત સહિત દેશભરમાં હાલ નવરાત્રીની ઉજવણી થઈ રહી છે. આ દરમિયાન હવે અમદાવાદમાં દશેરાની ઉજવણીને આખરી ઓપ આપવામાં આવી રહ્યો છે. વાત જાણે એમ છે કે, અમદાવાદમાં છેલ્લા 35 વર્ષથી રાવણ બનાવતા પરિવારને 70 ફૂટ સુધીના પૂતળાનો ઓર્ડર મળ્યો છે. આ સાથે ગુજરાત બહારથી પણ આ પરિવારને રાવણના પૂતળા બનાવવાનો ઓર્ડર મળ્યો હોવાનું સામે આવ્યું છે. 

અમદાવાદમાં દશેરા પર્વની ઉજવણીની તૈયારીઓને આખરી ઓપ આપવામાં આવી રહ્યો છે. મહત્વનું છે કે, ગુજરાતમાં અનેક સ્થળોએ દશેરાની ઉજવણી થશે. જેને લઈ અમદાવાદમાં રાવણના પૂતળા બનાવવાની કામગીરી પૂર્ણતાના આરે છે. અમદાવાદના રામોલમાં એક પરિવાર 35 વર્ષથી રાવણના પૂતળા બનાવી રહ્યો છે. વિગતો મુજબ રાવણ દહન માટે આ વર્ષે 40, 50, 60 અને 70 ફૂટ સુધીના પૂતળાઓનો ઓર્ડર મળ્યો હોવાનું સામે આવ્યું છે. 

મહત્વનું છે કે, આ વર્ષે અમદાવાદમાં 8 સ્થળો પર રાવણ દહન માટે પૂતળાના ઓર્ડર આ પરિવારને મળ્યા છે. જેમાં ખાસ કરીને 40 થી 70 ફૂટ સુધીના રાવણના પૂતળાનો ઓર્ડર આ પરિવારને મળ્યો છે. આ સાથે મહારાષ્ટ્ર અને કર્ણાટકથી પણ રાવણના પૂતળા માટે ઓર્ડર મળ્યા છે. મહત્વનું છે કે, રાવણના પૂતળા બનાવવા માટે છેલ્લા અઢી મહિનાથી કારીગરો મહેનત કરી રહ્યાં છે.