નિર્ણય / ભારત અને અમેરિકા બાદ હવે આ દેશે લગાવ્યો Tiktok પર પ્રતિબંધ, આપ્યું આ મહત્વનું કારણ

• કેનેડામાં Tiktok પર લાદવામાં આવ્યો પ્રતિબંધ 
• કેનેડામાં યુઝર્સ આ એપને ડાઉનલોડ કરી શકશે નહીં
• અમેરિકા એ પણ કરી છે Tiktok સામે કાર્યવાહી 

ચાઈનીઝ એપ Tiktok ની મુશ્કેલીઓ વધી રહી છે. જણાવી દઈએ કે ભારત બાદ હવે કેનેડાએ પણ આ ચાઇનીઝ એપ પર પ્રતિબંધ લગાવી દીધો છે.  કેનેડાએ સોમવારે આની જાહેરાત કરતાં કહ્યું હતું કે ગોપનીયતા સુરક્ષા અને ડેટાની ચિંતાઓને ધ્યાનમાં રાખીને એપ્લિકેશન પર પ્રતિબંધ મૂકવાનો નિર્ણય કર્યો છે . હવે યુઝર્સ ભવિષ્યમાં આ એપને ડાઉનલોડ કરી શકશે નહીં.

Tiktok પર લાદવામાં આવ્યો પ્રતિબંધ 
કેનેડા સરકાર દ્વારા જારી કરવામાં આવેલા નિવેદન અનુસાર, Tiktok પર લાદવામાં આવેલો આ પ્રતિબંધ 28 ફેબ્રુઆરીથી એટલે કે આજથી લાગુ થશે. જણાવી દઈએ કે કેનેડા સરકારે સાયબર સુરક્ષાને ધ્યાનમાં રાખીને આ નિર્ણય લીધો છે. TikTok એપ પર કડક વલણ અપનાવતા 27 ફેબ્રુઆરીના રોજ ફેડરલ એજન્સીઓને ચીની માલિકીની શોર્ટ વિડિયો એપ TikTokને દૂર કરવા નિર્દેશ આપ્યો હતો . આ માટે 30 દિવસની સમય મર્યાદા નક્કી કરવામાં આવી છે. આ સાથે સરકાર દ્વારા જારી કરાયેલા તમામ ઉપકરણોમાંથી આ એપને હટાવવાની સૂચનાઓ મળી છે.

Canada on Monday announced a ban on Chinese-owned social media app TikTok from government-issued devices, saying it presents an "unacceptable" level of risk to privacy and security: Reuters

— ANI (@ANI) February 28, 2023

અમેરિકા એ પણ કરી છે Tiktok સામે કાર્યવાહી 
જણાવી દઈએ કે Tiktok એક ચાઈનીઝ એપ છે અને ગયા મહિને અમેરિકી રાષ્ટ્રપતિ જો બિડેને ટિકટોકના ઉપયોગ પર પ્રતિબંધ મૂક્યો હતો. અમેરિકી સરકાર દ્વારા જારી કરાયેલા તમામ ઉપકરણો પર આ પ્રતિબંધો લાદવામાં આવ્યા હતા.આ સિવાય યુએસ હાઉસ ઓફ રિપ્રેઝન્ટેટિવ્સ અને સેનેટમાં પણ ટિકટોકના ઉપયોગ પર નિયંત્રણો લાદવામાં આવ્યા છે.  યુરોપિયન કમિશને ગયા અઠવાડિયે તેના ઉપકરણોમાંથી Tiktok એપ પર પ્રતિબંધ મૂક્યો હતો. આ સાથે જ અમેરિકાએ ચિંતા વ્યક્ત કરી હતી કે ચીન સરકાર ટિકટોક યુઝર્સને અંગત માહિતી સોંપવા દબાણ કરી શકે છે. 

જણાવી દઈએ કે કેનેડા દ્વારા લેવામાં આવેલા નિર્ણય પછી એવા અહેવાલો પણ આવ્યા છે કે ટિકટોકના પ્રવક્તા આ નિર્ણયથી આશ્ચર્યચકિત છે અને કહે છે કે કેનેડાએ કંપની સાથે કોઈપણ ચર્ચા કર્યા વિના આ પગલું ભર્યું છે.