FTII / આર માધવન FTIIના નવા પ્રમુખ બન્યા, કેન્દ્રીંય મંત્રી અનુરાગ ઠાકુરે કરી જાહેરાત

• અભિનેતા આર માધવન FTIIના નવા અધ્યક્ષ બન્યા
• FTII ના પ્રમુખ અને અધ્યક્ષ તરીકે નામાંકિત કરવામાં આવ્યા 
• મંત્રી અનુરાગ ઠાકુરે ટ્વીટ કરીને આ જાણકારી આપી હતી

અભિનેતા આર માધવન FTIIના નવા અધ્યક્ષ બન્યા. તેમને ફિલ્મ એન્ડ ટેલિવિઝન ઇન્સ્ટિટ્યૂટ ઓફ ઇન્ડિયા (FTII)ની ગવર્નિંગ કાઉન્સિલના પ્રમુખ અને અધ્યક્ષ તરીકે નામાંકિત કરવામાં આવ્યા છે. કેન્દ્રીય માહિતી અને પ્રસારણ મંત્રી અનુરાગ ઠાકુરે ટ્વીટ કરીને આ જાણકારી આપી છે. હાલમાં જ આર માધવનની ફિલ્મ 'રોકેટરીઃ ધ નામ્બી ઈફેક્ટ'ને બેસ્ટ ફીચર ફિલ્મનો નેશનલ એવોર્ડ મળ્યો છે.

અનુરાગ ઠાકુરે ટ્વીટ કરીને જાહેરાત કરી

પોતાના ટ્વીટમાં અનુરાગ ઠાકુરે લખ્યું, 'આર માધવનને FTII અને ગવર્નિંગ કાઉન્સિલના પ્રમુખ તરીકે નામાંકિત થવા પર હાર્દિક અભિનંદન. મને ખાતરી છે કે તમારો બહોળો અનુભવ અને મજબૂત નીતિશાસ્ત્ર આ સંસ્થાને સમૃદ્ધ બનાવશે. સકારાત્મક ફેરફારો લાવશે અને તેને ઉચ્ચ સ્તરે લઈ જશે. મારી શુભકામનાઓ તમારી સાથે છે.

Heartiest congratulations to @ActorMadhavan ji on being nominated as President of @FTIIOfficial and Chairman of the governing council.

I'm sure that your vast experience & strong ethics will enrich this institute, bring positive changes, & take it to a higher level. My best…

— Anurag Thakur (@ianuragthakur) September 1, 2023

ફિલ્મ 'રોકેટરીઃ ધ નામ્બી ઈફેક્ટ'ને બેસ્ટ ફીચર ફિલ્મનો નેશનલ એવોર્ડ મળ્યો

તાજેતરમાં આર માધવન પણ ત્યારે ચર્ચામાં આવ્યો હતો જ્યારે તેણે ફ્રાન્સની રાજધાની પેરિસમાં વડા પ્રધાન નરેન્દ્ર મોદીના સન્માનમાં ફ્રાન્સના રાષ્ટ્રપતિ ઇમેન્યુઅલ મેક્રોન દ્વારા આયોજિત ડિનરમાં હાજરી આપી હતી. 14 જુલાઈ, 2023 ના રોજ બેસ્ટિલ ડેની ઉજવણીના ભાગરૂપે લુવર મ્યુઝિયમ ખાતે રાત્રિભોજન યોજાયું હતું. તે સમયે અભિનેતાએ તેના ઇન્સ્ટાગ્રામ પર રાત્રિભોજનની ઘણી તસવીરો શેર કરી હતી અને બંને નેતાઓની પ્રશંસા કરતી એક લાંબી નોંધ પણ લખી હતી. આ બધું ત્યારે થયું જ્યારે પીએમ મોદીને ફ્રાન્સના રાષ્ટ્રીય દિવસે મુખ્ય અતિથિ તરીકે આમંત્રિત કરવામાં આવ્યા હતા. હાલમાં જ આર માધવનની ફિલ્મ 'રોકેટરીઃ ધ નામ્બી ઈફેક્ટ'ને બેસ્ટ ફીચર ફિલ્મનો નેશનલ એવોર્ડ મળ્યો છે. આ એરોસ્પેસ એન્જિનિયર નામ્બી નારાયણનના જીવન પર આધારિત ફિલ્મ છે જે 2022માં રિલીઝ થઈ હતી. તેણે કહ્યું હતું કે આ ફિલ્મ બનાવવી તે તેના જીવનનો સૌથી મોટો પડકાર હતો.