વધુ એક અકસ્માત / અમદાવાદનો SG હાઇવે બન્યો જીવલેણ: વધુ એક કાર ચાલકની ટક્કરથી યુવકનું મોત, હજુ તો UPથી આવ્યાને 15 દિવસ જ થયા હતા

• અમદાવાદના SG હાઈવે પર વધુ એક અકસ્માત 
• કાર ચાલકે યુવકને ટક્કર મારતા મોત
• સોલા હાઇકોર્ટ સામેના બ્રિજ પર થયો અકસ્માત

Accident News: SG હાઇવે પર અકસ્માતવર્તમાનમાં રાજ્યમાં અકસ્માતની ઘટનાઓ દિવસેને દિવસે વધી રહ્યું હોય તેવું જણાઈ રહ્યું છે, બેફામ ડ્રાઈવિંગના કારણે અવાર નવાર માસૂમ લોકોના મોત થવાના કિસ્સાઓ સામે આવતો હોય છે, ત્યારે અમદાવાદનો એસ જી હાઈવે તો જાણે નબીરાઓ માટે બેફામ ડ્રાઈવ કરવાનો રસ્તો હોય તેમ અવાર નવાર અકસ્માતની ઘટના સામે આવી રહી છે. વધુ એક વખત એસ જી હાઇવે પર સોલા હાઇકોર્ટ સામેના બ્રિજ પર અકસ્માત સર્જાયો છે.

યુવકનું કમકમાટી ભર્યું મોત
સોલા હાઇકોર્ટ સામેના બ્રિજ પર એક કાર ચાલકે યુવકને ટક્કર મારતા યુવકનું કમકમાટી ભર્યું મોત થયું છે. ઉત્તરપ્રદેશના બુલંદ શહેરથી 15 દિવસ પહેલા જ યુવક અમદાવાદ આવ્યો હતો. જો કે, આ સમગ્ર મામલે કાર ચાલકની ટ્રાફિક પોલીસે અટકાયત કરી હતી. 

ટ્રક અને ટ્રાવેલ્સ વચ્ચે અકસ્માત સર્જાયો હતો
થોડા દિવસ અગાઉ એસ.જી હાઈવે પર આવેલા પકવાન બ્રિજ પર આઈસર ટ્રક અને ટ્રાવેલ્સ વચ્ચે અકસ્માત સર્જાયો છે. જેમાં આઈસર ટ્રકનું ટાયર ફાટતા રોડની એક તરફ લઈ જતી વખતે ટ્રાવેલ્સ બસ ધડાકાભેર અથડાઈ હતી. અકસ્માતને કારણે ડિવાઈડર પર આવેલા લાઈટનો થાંભલો ધરાશાયી થયો છે. અત્રે જણાવી કે, આ અગાઉ પણ એસ જી હાઈવે પર તથ્ય પટેલે સર્જેલો અકસ્માત સહિત અનેક બનાવો બન્યા છે