સુરત / અનાવલ-ભીનાર રોડ પર ગમખ્વાર અકસ્માતમાં 3ના મોત, બે લોકોને ગંભીર ઈજા

• અનાવલ-ભીનાર રોડ પર ગમખ્વાર અકસ્માત
• બનાસકાંઠાના ભીલડી રોડ ઉપર પણ દુર્ઘટના
• રાજ્યમાં અકસ્માતના કિસ્સાઓનું પ્રમાણ વધ્યું 

સુરતમાં અનાવલ-ભીનાર રોડ પર ગમખ્વાર અકસ્માત સર્જાતા 3 લોકોના કરુણ મોત નિપજ્યા છે જ્યારે 2 લોકોને ગંભીર ઇજા થતા તેમને તાત્કાલિક સારવાર અર્થે હોસ્પિટલ ખસેડવામાં આવ્યા છે. કાર ચાલકે અચાનક સ્ટેરિંગ પરથી કાબૂ ગુમાવતા ગંભીર અકસ્માત સર્જાયો હતો.  આ તરફ સુરતના લિંબાયતમાં રવિવારની મોડી સાંજે હાઈટેન્શ લાઈનને કારણે એક યુવકનું મોત નિપજ્યું હતું. જ્યારે અન્ય એક યુવકને કરંટ લાગતા સ્મીમેરમાં હોસ્પિટલમાં સારવાર અર્થે જો કે સારવાર બાદ તેની તબિયતમાં સુધારો થયો હતો.

બનાસકાંઠાના ભીલડી રોડ ઉપર પણ દુર્ઘટના

બનાસકાંઠાના ભીલડી રોડ ઉપર પણ ગંભીર દુર્ઘટના સર્જાઈ હતી જેમાં કાર અને છકડા વચ્ચે અકસ્માત સર્જાતા બે  લોકોના કરુણ મોત નિપજ્યા હતા. જ્યારે અકસ્માતમાં 13 લોકોને નાની મોટી ઈજા પહોંચી હતી. અકસ્માત એટલો ગંભીર હતો કે એકાએક ધડાકાભેર કાર છકડો રીક્ષા સાથે અથડાઈ હતી જેમાં છકડામાં સવાર મુસાફરો ઈજાગ્રસ્ત થયા હતા, તો અક્સમાતમાં બે લોકોના મોત પણ થયા હતા.

રાજ્યમાં અકસ્માતના કિસ્સાઓનું પ્રમાણ વધ્યું 

મહત્વનું છે કે અકસ્માતના કિસ્સો પાછળ વધુ પડતી સ્પીડ અને ડ્રાવિંગ સમયે બેદરકારી જવાબદાર હોય છે દેશ સહિત રાજ્યમાં અકસ્માતના કિસ્સાઓનું પ્રમાણ વધી રહ્યું છે અને તેમાં જાનહાનિ અને મોતના આંકડાઓમાં પણ સતત વધારો થઈ રહ્યો છે ત્યારે વાહન ચવાવતી વખતે સાવધાની એ જ સલામતની માર્ગ છે. વધુ પડતી સ્પીડ કે ડ્રાવિંગ સમયે ફોન પર વાત કરવું જોખમ રૂપ સાબિત થઈ શકે છે.