જાણો લો / વાવાઝોડાના આ સિગ્નલની સમજ કેળવી લેજો, હાલ દરિયાકિનારા પર 10 નંબરનું એલર્ટ, 11મું સૌથી વધુ ભયાવહ

• વાવાઝોડા કે પછી ભારે પવનને લઈને બંદર પર લગાવાય છે સિગ્નલ
• જાણો વાવાઝોડા સમય લગાવામાં આવતા સિગ્નલ વિશે
• સિગ્નલ પરખી બોટ,સ્ટીમર,જહાજના ચાલકને ખબર પડે કે દરિયો કેટલો ગાંડોતુર બનશે

દરિયામાંથી આવતા વાવાઝોડા કે પછી દરિયાકિનારે ફૂંકાતા ભારે પવનને લઈને બંદર ઉપર વિવિધ પ્રકારના સિગ્નલ લગાવવામાં આવે છે. દરિયા કિનારે ફૂંકાતા પવનની ઝડપના આધારે બંદર ઉપર વિવિધ નંબરના સિગ્નલ લગાવવામાં આવે છે. જેમાં ખાસ કરીને 1થી 11 નંબરના સિગ્નલ લગાવવામાં આવે છે. જેના આધારે દરિયામાં રહેલી બોટ,સ્ટીમર,જહાજના ચાલકને એ ખબર પડે કે દરિયો કેટલો ગાંડોતુર બનશે. જેમ-જેમ વાવાઝોડાની તિવ્રતામાં વધારો થાય છે, તેમ-તેમ સિગ્નલમાં અંકમાં પણ વધારો થાય છે. જાણો જાણીએ આ સિગ્નલ વિશે વિગતવાર

ચેતવણી નંબર. 1 
હવામાંથી વાવાઝોડું થવાની સંભાવના

ચેતવણી નંબર. 2 
વાવાઝોડું સક્રિય થયું બંદર છોડ્યાં પછી વહાણોને ભયનો સામનો કરવો પડશે.

 સાવચેતી નંબર 3
સન્નાટાવાળી હવાથી બંદર ભયમાં છે

ચેતવણી નંબર. 4
વાવાઝોડું બંદરની દક્ષિણ દિશા તરફ કિનારો ઓળંગી શકે

ભય નંબર. 5
વાવાઝોડાથી બંદરો ભયમાં છે

ભય નંબર. 6
સાધારણ પ્રકારનું વાવાઝોડું બંદરનો ઉત્તર કિનારો ઓળંગી શકે, બંદર પર ભારે તોફાની હવાનો અનુભવ થશે

ભય નંબર. 7
સાધારણ જોરવાળું વાવાઝોડું બંદર ઉપર થઈને પસાર થઈ શકે

મહા ભય નંબર. 8
ભારે જોરવાળું વાવાઝોડું બંદરના દક્ષિણ તરફનો કિનારો ઓળંગશે, બંદર પર તોફાની હવાનો અનુભવ થશે.

મહા ભય નંબર. 9
ભારે જોરવાળું વાવાઝોડું બંદરના ઉત્તર તરફનો કિનારો ઓળંગશે, બંદર પર તોફાની હવાનો અનુભવ થશે.

મહા ભય નંબર. 10
ભારે જોરવાળું વાવાઝોડું બંદર ઉપરથી પસાર થશે, બંદર પર તોફાની હવાનો અનુભવ થશે

તાર વ્યવહાર બંધ છે નંબર 11
તાર વ્યવહાર ખોરવાઈ ગયો,ખરાબ હવામાનનો ભય છે.