જાણવા જેવું / ફ્રિજમાં જામે છે બરફનું લેયર ? નજરઅંદાજ કરવાથી આવી શકે છે ખર્ચો, આ ટિપ્સથી સમસ્યા કરો સોલ્વ

ઉનાળાની સીઝન આવી હોવાથી ફ્રિજનો વપરાશ વધી જાય છે. પરંતુ જો તમારા ફ્રિજમાં બરફ જામી જવાની સમસ્યા રહે છે તો તેને નજર-અંદાજ ન કરો કેમ કે તેવુ કરવાથી તમારુ ફ્રિજ ખરાબ થઈ શકે છે. તમે આ જામેલા બરફને આસાનીથી દૂર કરી શકો છો. જો તમે ડિફ્રોસ્ટ કરવા જશો તો તેમાં કલાકોનો સમય પસાર થઈ શકે છે. પરંતુ એવી કેટલીક ટિપ્સ છે જેને અપનાવાથી તમે ફ્રિજમાં જામેલા બરફને દૂર કરી શકો છો.

ફ્રિજ કરો બંધ
જો તમારા ફ્રિજમાં બરફનું લેયર જામી જવાનો પ્રોબ્લેમ રહે છે તો તેને દૂર કરવાનો સૌથી આસાન ઉપાય છે કે, તમે ફ્રિજને થોડા સમય માટે બંધ કરી દો. જ્યારે બરફ પીગળીને ઉખડી જાય ત્યાર પછી ફ્રિજ ઓન કરી દેવુ.

ગરમ પાણીનો ઉપયોગ
ફ્રિજમાં જામેલા બરફને દૂર કરવા માટે ગરમ પાણી ઉપયોગમાં આવી શકે છે. પરંતુ આ બરફને દૂર કરતી વખતે ખૂબ વધારે ગરમ પાણીનો ઉપયોગ ન કરવો. વરાળ નીકળતી હોય તેટલુ ગરમ પાણી ફ્રિજરમાં રાખી દેવાથી ફ્રિજમાં જામેલો બરફ ઓગળવાનું શરુ થઈ જશે.

વધારે સામાન ન રાખો
તમે તમારા ફ્રિજમાં વધારે સામાન ભરીને રાખો છો તો પણ આ સમસ્યા આવી શકે છે. જો તમારા ફ્રિજમાં બરફનું લેયર જામી જાય છે તો હવેથી તમે ફ્રિજમાં વધારે સામાન રાખવાનું બંધ કરી દો. તેની અસર તમને તરત જ દેખાશે. 

ફ્રિજની કોઈલની સફાઈ
ફ્રિજના પાછળના ભાગે કોઈલ આવેલી હોય છે. જે ફ્રિજને ચાલુ અને ઠંડુ કરવામાં મદદ કરે છે. જો તે ગંદુ થઈ જાય તો પણ ફ્રિજ પ્રોપર રીતે કામ કરાવાનું બંધ કરી દે છે. જેથી બરફનું લેયર જામી શકે છે. માટે કોઈલની સફાઈ કરવી જોઈએ.

વાંચવા જેવું:  કેટલા ટનનું AC કેટલી વીજળી ખર્ચ કરે? ખરીદી વખતે આટલું જોજો, નહીં તો બિલ જોઈને ચડશે ગરમી

યોગ્ય ટેમ્પરેચર રાખો
જો તમારા ફ્રિજમાં બરફનું લેયર વારંવાર જામે છે તો તેનું યોગ્ય તાપમાન સેટ કરવું જોઈએ. જો તમે ફ્રિજનું તાપમાન સેટ નથી કરતા તો ફરીવાર બરફ જામી જશે. જો ફ્રિજનું તાપમાન ઓછુ છે તો તેને વધારવું જોઈએ. 18 ફેરનહીટ તાપમાન પરફેક્ટ મનાય છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો