સંવેદના / ‘ક્લેક્ટરશ્રી અમદાવાદ...’ ઉદ્દેશીને પત્ર મળ્યો ને તંત્ર ઓરિસ્સાથી આવેલાં 63 પ્રવાસીઓની મદદે દોડ્યું

Hiren

Last Updated: 09:45 PM, 16 April 2020

FOLLOW ON

શેર કરો

કોરોનાના લોકડાઉને તો ભગવાનને મળવા આવેલાં ભક્તોની પણ પરીક્ષા લીધી છે. ઓરિસ્સાથી લોકડાઉન પહેલાં જગત મંદિર દ્વારાકાના દર્શને આવેલાં 63 પ્રવાસીઓ અમદાવાદમાં ફસાયા છે. જો કે પ્રવાસીઓ તો એવું કહે છે ગુજરાતીઓ દ્વારા અમને તો એવું આતિથ્ય મળે છે કે અમે ફસાયા છીએ એવું લાગતું પણ નથી. ઘટના એવી બની કે...

લૉકડાઉનને લઇને પરપ્રાતિયો મુશ્કેલીમાં મુકાયા
ગુજરાતમાં ફસાયા ઓરિસ્સાના પ્રવાસીઓ
શિક્ષિત પ્રવાસીઓએ કલેક્ટરને લખ્યો પત્ર

દ્વારકા દર્શન કરતી પરત ફરતાં 63 ઓરિસ્સાના પ્રવાસીઓ અમદાવાદ પહોંચ્યા હતા. જેમાં 48થી વધુ તો સિનિયર સિટિઝન છે. તેઓ અમદાવાદથી રેલવે માર્ગે ઓરિસ્સા જવાના હતા. પરંતુ લોકડાઉનની જાહેરાત થતાં શહેરની એક હોટલમાં ફસાયા. થોડા દિવસ તો ચાલ્યું પણ હોટલ બંધ કરવાના આદેશ મળતાં પ્રવાસીઓ ફસાયા. ભાષાકીય પ્રશ્નો અને લોકલ વહીવટીતંત્ર સાથે કોઈ પણ કનેક્શન કે ફોન નંબર ન હોવાથી એક શિક્ષિત પ્રવાસીએ ‘ક્લેક્ટરશ્રી અમદાવાદ...’ ઉદ્દેશીને પત્ર લખ્યો. પત્ર પહોંચતા જ જિલ્લા તંત્રએ તાત્કાલિક બધી જ વ્યવસ્થઆ કરી મહેમાનની જેમ આ પ્રવાસીઓને સાચવી લીધા.

જિલ્લા વહીવટી ટીમ અને પોલીસના સંયુક્ત પ્રયાસથી 63 જેટલાં ઓરિસ્સાના પ્રવાસીઓને મોટી બસના માધ્યમ દ્વારા દિલ્હી દરવાજા સર્કિટ હાઉસમાં સિફ્ટ કરાયા. પુરવઠાની ટીમ દ્વારા તમામની ભોજનની વ્યવસ્થા તાત્કાલિક કરાઈ. સિનિયર સિટિઝન પ્રવાસીઓ હોવાથી આરોગ્ય વિભાગની ટીમ દ્વારા તમામનું હેલ્થ ચેકઅપ પણ કરાયું છે.

‘અમને ઘર ચોક્કસ યાદ આવે છે પણ સુવિધાની કોઈ જ કમી નથી’ આ શબ્દો છે ઓરિસ્સાથી ગુજરાતના પ્રવાસે આવેલા અને લોકડાઉનના સંજોગોમાં અહીં આશય લઈ રહેલા પ્રવાસીઓના. તેઓ કહે છે તે તંત્ર દ્વારા અમારા માટે એક સ્વજનની જેમ વ્યવસ્થા કરાઇ છે.

સંકળાયેલા મુદ્દાઓ

Orissa ahmedabad lockdown અમદાવાદ લોકડાઉન coronavirus