દિલ્હી / લગ્નની વેબ સાઇટ પરથી દુલ્હેરાજા શોધવા 50 મહિલાઓને ભારે પડ્યું, નીકળ્યો બનાવટી ડૉક્ટર, આચરી ઠગાઇ

Vishal Khamar

Last Updated: 01:44 PM, 1 April 2024

FOLLOW ON

શેર કરો

દિલ્હીના એક વીમા એજન્ટ રંજીતે ડોક્ટર હોવાનું બહાનું બનાવીને 50થી વધુ મહિલાઓ સાથે છેતરપિંડી કરી છે. એક મહિલાએ લગ્નના બહાને તેની સાથે 1 લાખ રૂપિયાની છેતરપિંડી કરવાનો કેસ દાખલ કર્યો છે.

દિલ્હીમાં એક વીમા એજન્ટ રંજીત રંજન ઠાકુર (42)એ મેટ્રિમોની વેબસાઈટ દ્વારા ડોક્ટર હોવાનો ઢોંગ કરીને ઘણી મહિલાઓને છેતર્યા હતા. આરોપીએ 50 થી વધુ મહિલાઓ સાથે લગ્ન કર્યા હોવાનો દાવો કર્યો હતો અને બાદમાં છેતરપિંડી કરી હતી. છેતરપિંડી કરાયેલી એક મહિલાએ પોલીસમાં ફરિયાદ નોંધાવી હતી કે, તે મેટ્રિમોની વેબસાઇટ પર ડૉ. અમન શર્માના સંપર્કમાં આવી હતી, જેણે લગ્નના બહાને તેની સાથે છેતરપિંડી કરી હતી અને તેની સાથે રૂ. 1 લાખથી વધુની છેતરપિંડી કરી હતી.

એક અહેવાલ મુજબ મહિલાએ કહ્યું કે પછીથી તેને ખબર પડી કે તે વ્યક્તિએ તેને ફસાવવા માટે નકલી નામ અને ફોટોનો ઉપયોગ કર્યો હતો. દિલ્હી પોલીસે આ મામલાની તપાસ માટે એક ટીમ બનાવી છે. તપાસ દરમિયાન, પોલીસે તે એકાઉન્ટને શોધી કાઢ્યું હતું જેમાં છેતરપિંડીથી નાણાં ટ્રાન્સફર કરવામાં આવ્યા હતા. આ પછી પોલીસને આરોપીના શંકાસ્પદ મોબાઈલ નંબર વિશે પણ માહિતી મળી હતી.

વધુ વાંચોઃ અગ્નિ-5 મિસાઇલના પરીક્ષણથી ખૌફમાં પાકિસ્તાન, દરિયાઇ સીમાથી લઇને ભૂમાર્ગ સુધી ઊંઘ હરામ, જાણો કારણ

ધરપકડ બાદ સત્ય બહાર આવ્યું
પોલીસે જણાવ્યું કે આ પછી કોલ ડિટેઈલ રેકોર્ડ દ્વારા રંજીત રંજન ઠાકુર નામના વ્યક્તિને ટ્રેસ કરવામાં આવ્યો અને તેની સાગરપુરથી ધરપકડ કરવામાં આવી. પૂછપરછ દરમિયાન તેણે જણાવ્યું કે તેણે 50થી વધુ મહિલાઓને ડોક્ટર હોવાનું બહાનું બનાવીને છેતર્યા અને તેમની પાસેથી પૈસા લીધા.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો

સંકળાયેલા મુદ્દાઓ