મહામારી / ભારતમાં હવે ઓમિક્રોન વકર્યો, આજે એક દિવસમાં આવ્યાં 12 કેસ, દેશમાં આંકડો પહોંચ્યો 73 પર

• ભારતમાં હવે ઓમિક્રોન વકરી રહ્યો છે
•  મહારાષ્ટ્ર અને કેરળમાં 4-4
• બંગાળ-તમિલનાડુમાં આવ્યો પહેલો કેસ 

મહારાષ્ટ્ર અને કેરળમાં બુધવારે આ નવા વેરિએન્ટના 4-4 નવા દર્દીઓ આવ્યા હતા, જ્યારે તમિલનાડુમાં પણ કેસ નોંધાયો હતો. દેશમાં અત્યાર સુધીમાં ઓમિક્રોનના ૭૩ કેસ નોંધાયા છે. સૌથી વધુ 32 કેસ મહારાષ્ટ્રમાં જોવા મળ્યા છે.

મહારાષ્ટ્રમાં ગઈકાલના 8 પછી હવે આજે ઓમિક્રોનના બીજા 4 કેસ નોંધાયા છે તેમાં બે કેસ ઓસ્માનાબાદ અને 1-1 કેસ મુંબઈ અને બુલઢાણામાંથી આવ્યો છે. બુલઢાણામાં 65 વર્ષના વૃદ્ધાનો ઓમિક્રોન ટેસ્ટ પોઝિટીવ આવ્યો છે જે પછી તેમને જિલ્લાની હોસ્પિટલમાં દાખલ કરાયા હતા. 

Tamil Nadu reports its first case of #Omicron variant of coronavirus; 47-year-old Chennai man tests positive after returning from Nigeria: State Health Minister Ma Subramanian

(File photo) pic.twitter.com/CseqwrJwjx

— ANI (@ANI) December 15, 2021

 કુલ કેસનો આંકડો 73 પર પહોંચ્યો 
કોરોનાનો નવો વેરિયન્ટ ઓમિક્રોન મહારાષ્ટ્ર તો જાણે પાછળ પડ્યો હોય તેવું લાગી રહ્યું છે. ગઈકાલે રાજ્યમાં ઓમક્રોનના 8 કેસ આવ્યાં હતા જે પછી આજે ફરી વાચ 4 કેસ આવ્યાં છે. દેશમાં કુલ કેસનો આંકડો 73 પર પહોંચ્યો છે. 

દેશમાં કુલ કેસ થયા 73, ઓમિક્રોનને લઈને  WHOની ભવિષ્યવાણી સાચી પડી 
દેશમાં અત્યાર સુધી ઓમિક્રોન વેરિયન્ટના કુલ કેસની સંખ્યા 73 થઈ છે. સૌથી વધારે મહારાષ્ટ્રમાં 32 છે. ભારતમાં જે રીતે પ્રતિદિન ઓમિક્રોનના કેસ આવી રહ્યાં છે તે જોતા લાગી રહ્યું છે કે WHOની ભવિષ્યવાણી સાચી પડી છે. WHO ભાવી ભાખતા જણાવ્યું હતું કે ઓમિક્રોન ખૂબ ચેપી અને સંક્રમક હોવાથી ભારત સહિત દુનિયામાં તેના કેસ વધી શકે છે. 

ભારતના 12 રાજ્યોમાં પહોંચ્યો ઓમિક્રોન 

ઓમિક્રોન  ભારતના 12 રાજ્યોમાં પહોંચ્યો છે. બુધવારે કોરોનાના નવા વેરિએન્ટના તેલંગાણામાં 3 કેસ અને પશ્ચિમ બંગાળમાં 1 કેસ મળી આવ્યા હતા. દેશમાં અત્યાર સુધીમાં ૬8 કેસ નોંધાયા છે. મહારાષ્ટ્રમાં સૌથી વધુ કેસ આવ્યા છે. અત્યાર સુધીમાં 32 કેસ થયા છે. આ ઉપરાંત રાજસ્થાનમાં 17, કર્ણાટકમાં 3, ગુજરાતમાં 4, કેરળમાં 1 અને આંધ્રપ્રદેશમાં 1, દિલ્હીમાં 6, તેલંગાણામાં 3, પશ્ચિમ બંગાળમાં 1 અને ચંદીગઢમાં 1 કેસ નોંધાયા છે. મહત્વની બાબત એ છે કે ઓમિક્રોન સંક્રમિત મોટાભાગના લોકોએ રસીના બંને ડોઝ લીધા છે.