ભાવનગર / ચતજો.! ધસમસતા પાણીમાં કાર નાખતા 3 લોકોના મોત: તળાજામાં બની દુર્ઘટના, પરિવાર પર આફતનો 'વરસાદ'

Dinesh

Last Updated: 09:33 PM, 2 July 2023

FOLLOW ON

શેર કરો

ભાવનગરના તળાજામાં કામરોલ નજીક કાર પાણીમાં તણાઈ જતા પાંચ તણાયા હતાં જેમાં બે મહિલા અને એક બાળકનું મૃત્યું થયુ છે

ભાવનગરમાં નદીમાં ડૂબવાથી 3 લોકોના મૃત્યુ
જૂની કામરોલ ગામે બની ઘટના
ત્રણેય મૃતકો પાવઠી ગામના વતની

રાજ્યમાં ઠેર ઠેર વરસાદે તાંડવ મચાવ્યો છે તેમજ સૌરાષ્ટ્રના અનેક વિસ્તારોને ઘમરોળ્યા છે. ત્યારે ભાવનગરમાં સ્થાનિક નદીઓ પૂર આવ્યું છે તેમજ ચેકડેમો છલોછલ ભરાયા છે. ભારે વરસાદના કારણે ભાવનગરના તળાજાના કામરોલ નજીક કાર પાણીમાં તણાઈ હતી અને જે કારમાં સવાર પાંચ લોકો તણાયા હતા જેમાંથી 3 લોકોના ડૂબવાથી મોત થયા છે.

બે મહિલા અને 1 બાળક મૃત્યું
ભાવનગરમાં ભારે વરસાદના કારણે ઠેર ઠેર ધસમસતું પાણી વહી રહ્યું છે જેના પગલે અનેક રસ્તાઓ પાણીમાં ગરકાવ થયા છે. તળાજાના જૂની કામરોળ નજીક વાહન ચાલકે ધસમસતા પાણીમાં કાર નાખતા કારમાં સવાર પાંચ લોકો પાણીના પ્રવાહમાં તણાયા હતા તેવી પ્રાથમિક માહિતી છે. જેમાં ડૂબી જતા ત્રણ વ્યક્તિઓના મોત થયા છે અને ત્રણેય વ્યક્તિઓ તળાજા તાલુકાના પાવઠી ગામના વતની હતાં.

તળાજા તાલુકાના પાવઠી ગામના વતની
આ ત્રણ વ્યક્તિઓમાં બે મહિલા અને એક બાળકનો સમાવેશ થાય છે તેમજ આ પાવઠી ગામના કુલ પાંચ વ્યક્તિઓ જૂની કામરોલ ગામે દાદાના દર્શને ગયા હતા. નદીમાં અકસ્માતમાં ડૂબી જતા પાંચમાંથી ત્રણ વ્યક્તિઓને હોસ્પિટલ ખસેડવામાં આવ્યા હતા. જેમનું સારવાર દરમિયાન જ મોત થયું છે. જે ઘટનાને પગલે સમગ્ર પંથકમાં અરેરાટી વ્યાપી છે તેમજ પરિજનોમાં શોકનું મોજુ ફરી વળ્યું છે.