ક્રાઇમ / જામનગરમાં ધોળા દિવસે 11માં ધોરણના વિદ્યાર્થીનું કિડનેપિંગ બાદ હત્યા: બાઇક પર જ કરાયું અપહરણ, CCTVમાં થયો ચોંકાવનારો ખુલાસો

• જામનગરમાં સગીરનું અપહરણ કરાયા બાદ હત્યા કરાતાં ખળભળાટ 
• મોહનનગર આવાસમાંથી સગીરનું કરાયું હતું અપહરણ 
• સુવરડા ગામ પાસે અવાવરૂ જગ્યાએથી સગીરનો મૃતદેહ મળ્યો 
• હત્યાની સમગ્ર ઘટનામાં મૃતકના 2 મિત્રો શંકાના દાયરામાં 
• પોલીસે સગીરના મૃતદેહને પોસ્ટમોર્ટમ માટે ખસેડ્યો 
• પોલીસ તપાસમાં અપહરણ સમયના CCTV આવ્યા સામે 

Jamnagar Murder News : જામનગરમાં સગીરનું અપહરણ કરાયા બાદ હત્યાની ઘટના સામે આવતા ખળભળાટ મચી ગયો છે. વાત જાણે એમ છે કે, ધોળા દિવસે 11માં ધોરણના વિદ્યાર્થીનું બાઇક પર અપહરણ કર્યા બાદ તેની કરપીણ હત્યા કરી દેવાઈ છે. પહેલા આ વિદ્યાર્થીના અપહરણને લઈ અફરાતફરીના માહોલ વચ્ચે પરિવારે પોલીસ ફરિયાદ કરી હતી. જે બાદ પોલીસે CCTV કેમેરા ચેક કર્યા બાદ આરોપીઓને ઝડપી પાડવા કવાયત કરી હતી. જે બાદમાં એક અવાવરુ જગ્યાએથી વિદ્યાર્થીનો મૃતદેહ મળી આવતા પરિજનો ભાંગી પડ્યા હતા. આ તરફ હવે પોલીસે મૃતદેહને પોસ્ટમોર્ટમ અંગે મોકલી આપી આ મામલે વધુ તપાસ હાથ ધરી છે.

Jamnagar News: જામનગરમાં સગીરનું અપહરણ કરાયા બાદ હત્યા કરાતાં ખળભળાટ | VTV GUJARATI

#jamnagar #jamnagarnews #gujarat #gujaratinews #vtvgujarati pic.twitter.com/1cI745KbN2

— ~ अभिमन्यु ~ ( VTV NEWS ) (@soulofnovemberr) December 1, 2023

શું છે સમગ્ર મામલો ? 
જામનગરમાં મોહનનગર આવાસના બિલ્ડીંગ નંબર 15માં બ્લોક નંબર 302માં રહેતા અને કેટરર્સ તરીકે નોકરી કરતા ગોપાલભાઈ વલ્લભભાઈ પીઠડીયાના 17 વર્ષના પુત્રનું અપહરણ કરાયું હતું. વિગતો મુજબ ગઈકાલે બપોરે 01:00 વાગ્યે 11માં ધોરણમાં અભ્યાસ કરતો ગોપાલભાઈનો પુત્ર સ્કૂલે જવા માટે નીકળ્યો હતો. જે બાદમાં આ વિદ્યાર્થી એકાએક લાપતા બન્યો હતો. 

પોલીસે તપાસ્યા CCTV અને પછી.... 
આ તરફ પરિવારજનો દ્વારા ભારે શોધખોળ પછી પણ તેનો કોઈ પતો નહીં લગતા આખરે સીટી એ. ડિવિઝન નો સંપર્ક સાધવામાં આવ્યો હતો. જ્યાં અપહરણ અંગેનો ગુનો દાખલ કરાવ્યો હતો. આ તરફ પોલીસ દ્વારા મામલાની ઊંડાણપૂર્વકની તપાસ કરવામાં આવી હતી. જ્યાં મોહન નગર આવાસના બિલ્ડીંગના CCTV કેમેરા ચેક કરતાં ત્યાંથી જ એક બાઈકમાં બાળકનું અપહરણ કરી લેવાયું હોવાનું ધ્યાનમાં આવ્યું હતું. 

અવાવરૂ જગ્યા પાસેથી મૃતદેહ મળ્યો
આ તરફ CCTV આધારે પોલીસે ઝીણવટભરી તપાસ શરૂ કરી હતી.અંતે બાળકને અપહરણ કરી જનારના ફૂટેજના આધારે તેમની ઓળખ મેળવી લીધી હતી અને અપહરણ કરનાર અને બાળકને શોધવાનો પ્રયત્ન કર્યો હતો. આ દરમિયાન સુવરડા ગામ નજીક આવેલ અવાવરૂ જગ્યા પાસેથી મૃતદેહ મળ્યો હતો. ઘટનાને લઈ પોલીસે વિદ્યાર્થીના મૃતદેહને પોસ્ટમોર્ટમ અંગે મોકલી આપી આ મામલે વધુ તપાસ હાથ ધરી છે.