કોરોના હારશે / BIG NEWS: ઝાયડસની કોરોના વેક્સિનને મોદી સરકારની લીલીઝંડી, જુઓ કેટલા લેવા પડશે ડોઝ

• કોરોના સામેની જંગમાં ભારતને વધુ એક સફળતા 
• ઝાયડસ કેડિલાની 3 ડોઝ વાળી કોરોના વેક્સિનને સરકારની મંજૂરી 
• 12થી 18 વર્ષના લોકો માટે પણ સંપૂર્ણ સુરક્ષિત હોવાનો દાવો

ગુજરાતની ફાર્મા કંપની ઝાયડસ કેડિલાની 3 ડોઝ વાળી કોરોના વેક્સિનને મોદી સરકારે મંજૂરી આપી છે. ઉલ્લેખનીય છે કે, આ વેક્સિનનું નામ ZyCov-D છે. ડ્રગ કંટ્રોલર જનરલ ઓફ ઈન્ડિયાની એક્સપર્ટ કમિટીએ શુક્રવારે આ વેક્સિનના ઈમરજન્સી ઉપયોગને મંજૂરી આપી છે. 

વેક્સિન 12થી 18 વર્ષના લોકો માટે પણ સંપૂર્ણ સુરક્ષિત હોવાનો દાવો

આપને જણાવી દઇએ કે, જેનરિક કંપની કેડિલા હેલ્થકેર લિમિટેડે ZyCoV-Dના ઈમરજન્સી ઉપયોગ માટે ગત 1 જુલાઈના રોજ મંજૂરી માટે અરજી કરી હતી. આ અરજી 28 હજાર વોલેન્ટિયર્સ પર કરવામાં આવેલ અંતિમ તબક્કાના ટ્રાયલના આધારે કરવામાં આવી હતી. વેક્સિનની અસરકારકતા  66.6 ટકા સામે આવી છે. એવુ પણ કહેવામાં આવે છે કે, આ વેક્સિન 12થી 18 વર્ષના લોકો માટે પણ સંપૂર્ણ સુરક્ષિત છે. 

થોડા દિવસ પહેલા જ્હોન્સન એન્ડ જ્હોન્સનની વેક્સિનને મળી મંજૂરી 

કોરોનાની સિંગલ ડોઝ વેક્સિન જ્હોન્સન એન્ડ જ્હોન્સન દ્વારા બનાવવામાં આવી છે અને આ વેક્સિન હવે ભારતમાં ઉપલબ્ધ થવા જઈ રહી છે. આ સાથે હવે ભારત પાસે 5 EUA વેક્સિન ઉપલબ્ધ છે. જએના કારણે ભારતની કોરોના સામેની લડાઈ વધરે મજબૂત થશે. 

મોડર્નાની રસીને ઈમરજન્સી ઉપયોગ માટે મળી શકે છે મંજૂરી

મોડર્નાએ એ પણ જણાવ્યું છે કે અમેરિકી સરકારે ભારત સરકારને 'કોવેક્સ' ના માધ્યમથી કોવિડ રસીના ડોઝ દાન કરવા માટે સહમતિ આપી છે. જે નિશ્ચિત સંખ્યામાં હશે. આ રસી માટે CDSCO (કેન્દ્રીય ઔષધિ માનક નિયંત્રણ સંગઠન) પાસેથી મંજૂરી માંગવામાં આવી છે.